目前分類:[飲飲食食] (24)

瀏覽方式: 標題列表 簡短摘要

[飲飲食食] 舊區情懷『新』酒店 - PENTA HOTEL 『潮食街』自助餐

 

 

 

 

大家都知道,我好喜歡四圍去,但偏偏不太喜歡寫食評。因為我發現每個人對『食』都有主觀感覺,我自己都多次跟著食評去搵食,結果都失望而回,可能是我對食的要求有特別理解。

.

 

今次,我又寫『食』,但我想強調,呢個地方我實實在幫襯過幾次,每一次都好滿意,所以我先介紹!

 

 

 

 

 

 

PENTA HOTEL 位於新蒲崗六合街,無錯,係舊區,而且充斥工廠大廈,點都估唔到一間國際性酒店,會建於此。

 

我第一次到達PENTA HOTEL,骨子的外牆,未見特別,但地下大門所設的,竟然不是FRONT DESK,而是CAFE,一個開放形式,有自家製PIZZA的CAFE,難怪中午時間 lobby 永遠是上班族。

 

 

 

雖然酒店不大,但聰明的設計師運用空間感,令PENTA HOTEL 充滿時尚感覺,他將工廠的元素,平民的特點,懷舊的裝飾一一溶合於酒店!

 

 

 

走到『潮食街』就是我們要到的地方,buffet 的位置了,酒店內捨棄華麗的一切,採用的是『香港人』熟識一切。

 

懷舊的鐵閘,玻璃燈,及調味料筷子筒,我第一次於酒店內見到,一切都代表著香港飲食文化,超級親民的感覺!

 

睇下『大字報』先,原來『潮食街』將drink list 印成大字報一樣,我好喜歡這種感覺,將新蒲崗工廠區的感覺帶出!

 
 

 

 雖然走的是工廠設計,但其實都好多details 位值得大家欣賞!

 

『潮食街』內,劃分了幾個區域,我最喜歡的,是wok kitch 及grill ~

.

 

這個不是賣點,但的確因此而加分~ 『潮食街』的外邊,設立了兩個娛樂室,大家可以隨便享用,娛樂室等一下再慢慢說,先入正題,介紹下食物先!

我拍照的時候,差不多聖誕節了,藍色的聖誕樹,好神秘,好像帶點BLUE.

.

.

不要問我這個是什麼東西,我只知道RECEPTION 的位置就在這個『生產』用的巨爐旁邊,領位的員工是用LEGO 來編位的,不過我忘了拍照!

 

我的位置坐於甜品區域,我留意左成晚,最受歡迎甜品原來是『白兔糖』,每一個到甜品區的客人總會拿幾粒,是回味,是懷舊嗎?

.

 

最新,前帝苑甜品師傅Tony Wong為酒店設計了一系列特色甜點,喜歡 TONY WONG 的朋友,不用到店內大排隊了,過來 PENTA 可以大吃大吃!

 

實不相瞞,我食自助餐的習慣,是先吃甜品,再吃前菜,否則我便會因為吃得太飽而吃不下甜品了!

 

提下大家,甜品會久不久便轉款式,大家食完第一輪,等一會,可以再望望,隨時會轉款!

 

日式刺身魚生,指定款式,我不多提了~ (呢個亦係香港人最愛食的東西)

 

但竟然還有我的最愛,生的青瓜、甘荀、蕃茄仔同olive,雖然芝士的品種不太多,夠就已經好了!

 

媽媽年輕時曾經於新蒲崗做『工廠妹』,據說,『百樂門』係當時地標,直到而家,好多老人家仍然時常將『百樂門』掛於嘴邊。

 

『潮食街』中亦貼有『百樂門』的舊貌。

我好喜歡『香港文化』的東西,從不抗拒大排檔,但而家連大排檔都電子化,這些傳統的『開門 7件事』於『潮食街』中變身最潮的裝飾,不需要收收埋埋,光明正大,乾淨企理地排列,好有風味!

 

.

 

唔好以後 Twinkle C 係BEAUTY BLOGGER 淨係識扮靚,成日影D紅酒就淨係識飲西飲,其實我成日食『魚旦粉』,將平民的食物,溶入酒店,地道魚旦粉,我跟家人都一人一豌,幸好份量不太大~~

 

 

PENTA HOTEL 『潮食街』內,基本上90%都採用了開放式廚房,廚師因應客量即時煮,以確保食物都是最新鮮的,而且全透明的廚房,煮食過程客人都可看到,可算是我見過最乾淨的廚房,大家都可以食得安心~

如果你有心,在旁看看,隨時學得一招半式回家自己煮!

.

 

『WOK KITCHEN』是香港人最喜歡的類別,款款食物都充滿鑊氣!

.

 

麻辣款式,你頂得住嗎?

麻辣雞煲,其實超辣,但家人食完又食。受不住勁辣,可以試試旁邊的松子魚,肉厚多汁,超推介!

 

 

 排檔必點有咩? 當然係即抄的抄蜆,大廚即場示範拋鑊,火喉十足,不愛辣的朋友都要一試!

海鮮的款式不太多,但勝在夠新鮮,我食左長蟹!

每一日,PENTA HOTEL 『潮食街』都有不同款式的飲品進行 BUY 1 GUY 1 FREE 優惠,喜歡COCKTAIL 的朋友不要錯過,PENTA 的 BAR TENDER唔錯,值得叫杯試下!

 

即時烤出來的PIZZA,水準一流,有西式餐廳的水準,當一個PIZZA 拎哂,廚師就會剛好準備了另一個烤好的PIZZA給大家,而每一次的款式都不一樣,只要看準時間就可以試唔同味道了!

 

 

你喜歡上面的鵝肝還是下面的燒味?

 

有燒味,又點可以缺少新鮮白飯,其實四寶飯都係我10大中式喜愛之一,估我唔到啦!

 

點心,蒸飯,湯等,都一一有提供,蒸飯都好受歡迎,可能天氣凍了的關係。

 

 

場內的食物還有一PART 未有拍照,就係GRILL HOW,有烤牛肉,豬肉,腸仔海鮮等等,可以烤的大廚好熱,有點躁,穿戴了高帽的肥大廚不太喜歡我拍照,所以最後都冇拍到,但食物是好好味的!

 

 

『輕型營』其實多吃,一點也不輕型,有夾餅, 有waffle,有朱古力, 有雪糕, 有棉花糖, 新鮮waffle 好搶手,早d食會少d人排隊呢!

 

然後再食白兔糖!

 

一口鵝肝,碟上一半都俾佢食左,食個一刻,完全忘記脂肪是什麼一回事! 其實我煎鵝肝好叻架,下次我教大家整,好簡單架!

 

下面隻雞全翼,都係係 GRILL HOW 拎回來的,我食左... ... 3隻... ... YEAH!

 

好滿足!

 

之前提過的娛樂室,其實就係下面個D,免費架,場內都係香港人為主,大家都有禮,唔會爭,邊個到先邊個玩,而且大家都係玩下,一般玩10分鐘就會返去食野,所以實玩到,唔洗擔心!

 

好喇,講完內容,講價錢,正價,自助晚餐每位$318起。

於今個星期五、六 (2014年1月3日及4日) 惠顧潮食街自助晚餐即可尊享七折!優惠只限兩天,請致電3112 1998 座!(優惠附帶條款)

 

詳情

想食就要快D訂位喇,佢成日爆,想食要早D訂呀!

 

免費穿梭巴士服務時段和路線

 

MORE INFO

 

 

 

[‧其他文章‧]

 

[‧Youtube‧]

 

 

 

*******************    Twinkle C  ********************* 
Facebook Page   |    Blogspot   |   Wordpress  |   The Ztyle   |  BECE   | 

 She.com  |  FnB  |  Elle   |  Weibo    |  Pixnet  |   Fan Piece

New*  SNAP MAGAZINE

E-mail: leesiuj@gmail.com     |  About Me

Thank you for visiting, Twinkle C x Siu J.   The Full Time Beauty Blogger.
以上產品及資料, 部份由商家提供, 使用心得為個人意見的分享, 最終效果因人而異。

 

文章標籤

Twinkle C 發表在 痞客邦 PIXNET 留言(0) 人氣()


[WINE] Somersby
給『梨』新口味 - Pear Cider

 
 

 

 

 

喜歡與三五知己把酒談歡的朋友,必定對『SOMERSBY』有所認識,而我身邊的女士,更加係對SOMERSBY 愛不釋手!

 
 

來自瑞典嘅 SOMERSBY 係上年年初正式到左香港,當時將APPLE CIDER 帶到香港,當中的清甜香果味,已經迷得女生一陣陣 ~ 當中4.5%嘅酒精,更加係佢地鍾愛嘅原因!

 

 

今年冬天,『SOMERSBY』一於給『梨』新口味,為大家帶來另一新朋友『PEAR CIDER』!

 

 

Somersby Cider 把全新 Pear Cider 有氣啤梨酒由瑞典帶到香港, 其自然啤梨果香和清爽的口感能為您於聖誕及新年佳節 Refreshe 一下!

 

 

細心嘅PR,還把新的 PEAR CIDER 跟真的 PEAR 一起送上,望著綠綠清新的 PEAR CIDER,恨不得一口氣飲哂佢。

 

 

Somersby Cider 從廣闊果園的啤梨樹上,採用了最新鮮的啤梨,壓榨成汁,再利用天然香甜的啤梨汁,發酵成 Pear Cider有氣啤梨酒。

 

 

整個釀製過程能夠將新鮮啤梨原來的香爽鮮甜味,完完全全咁保留 ,細心品嚐下, cider 味道由清入甜,更有啤梨皮嘅青香, 極具層次感!

 

 

Somersby - Pear Cider,剛好為我的聖誕 PARTY 加添清新味道,我將新的SOMERSBY PEAR 收藏於聖誕樹入面,朋友仔見到新味道極度興奮!

 

女士總會為 『新』成員而料尖叫!

 

SOMERSBY PEAR 帶俾我同朋友好多歡笑~

 

Somersby 無任何添加人工色素,淡涼的青綠色,望見已經感到當中的 REFRESH ! 而且成份天然,味道完全跟新鮮啤梨一樣,完全無一般啤酒的苦澀味,清新順喉,熱辣辣嘅慶祝 PARTY 中的清泉*****!

 
 

SOMERSBY 真係要跟好朋友分享,PARTY 中配襯了煙三文魚,火雞等,啤梨的味道更加特出,PARTY 當晚,我就將最新嘅 SOMERSBY PEAR CIDER 同我的好朋友分享,大家都超級興奮,無論係 APPLE 定係PEAR,都一樣咁受歡迎!

 

 

 

早排,香港更氣經常落雨,雨後,終於見到了藍天,藍天同太陽影照下,我都忍唔住,要開枝SOMERSBY 開心下,當中的氣泡,配合陽光,二合為一,淡淡梨香,我以為自己去左旅行,唔係香港!

 

.

 

之前嘅 APPLE CIDER已經成為我地 PARTY, 船河指定啤酒,而家仲多左 PEAR CIDER,我們一定會MARK 實SOMERSBY 呢款真材實料的清新香有氣果酒!!

 
 

你係咪都想快D試下呢款 SOMERSBY - PEAR CIDER,同班friend 一齊『chill』?

 
 

而家起,各大7-11,CIRCLE K 同VANGO 便利店都有得買喇!

 

建議零售價$18 /330ml

 

SOMERSBY facebook

 

 

 

 

 
 

[‧其他文章‧]

 

[‧Youtube‧]

 

 

 

 

*******************    Twinkle C  ********************* 
Facebook Page   |    Blogspot   |   Wordpress  |   The Ztyle   |  BECE   | 

 She.com  |  FnB  |  Elle   |  Weibo    |  Pixnet  |   Fan Piece

New*  SNAP MAGAZINE

E-mail: leesiuj@gmail.com     |  About Me

Thank you for visiting, Twinkle C x Siu J.   The Full Time Beauty Blogger.
以上產品及資料, 部份由商家提供, 使用心得為個人意見的分享, 最終效果因人而異。

 
 
 

 

 
 
 

 

 

 

 

文章標籤

Twinkle C 發表在 痞客邦 PIXNET 留言(0) 人氣()

[飲飲食食] 佳得廚藝 - 海鮮宴 AGAIN!


今次我沒有太詳盡的圖片,因為... ....

我掛住食蟹,而錯過了影相環節,不過,呢個雞湯同蟹真係一流!我都介紹左唔少朋友去食,但係,由於店內位置有限,我強烈建議大家要打電話去 BOOK 枱,如果一心去食海鮮食蟹,就早D打去留!

以下呢一餐係我地早一日打去特別 ORDER架,ORDER 個時可以問埋價錢,以免大家有誤會~ 特別係海鮮!



而家係晚上 9:00PM,我一個人係屋企打文,仲未食飯,對住呢兩張相,我係極度肚餓的狀態,感覺,不是味兒的感覺... ... 好想去食飯呢!


上圖基本都是海鮮了,最值得推介,就是圖中的奄仔 (蟹),大家記得要早D打去 BOOK,我就早一日打去BOOK 嘅所以D蟹真係好靚,記得話明要食有膏的蟹,包大家回味!


由於我真係冇記低價錢,而且海鮮都日日唔同價,所以大家記得係ORDER時問清楚價錢,大家就冇誤會了!

佳得廚藝

地址: 荃灣三坡坊30號地下
電話: 2439 0668 (唔想等位就訂位喇!)


‧其他文章‧



‧Youtube‧


.



     **********************    Twinkle C  information   ************************

     FACEBOOK:  Twinkle C x Siu J - We sit on the Pole

     Blogspot   |   Yahoo! Blog   |   The ztyle     |   Beauty Life   | 

     She. com   |   Beauty exchange 

   Youtube Channel: Siu J Lee    |   Facebook: Siu J Lee   |  Seeagainla Channel: Twinkle C

    E-mail:leesiuj@gmail.com

     Thank you for visiting, Twinkle C x Siu J. Full Time Beauty Blogger.
以上產品及資料, 部份由商家提供, 使用心得為個人意見的分享, 最終效果因人而異。



Twinkle C 發表在 痞客邦 PIXNET 留言(0) 人氣()

[飲飲食食] 三坡坊的出色海鮮 - 佳得廚藝
.


有睇開我的BLOG, 都知道其實我不愛 FINE DINNING, 最多生日或者特別節日去下就好喇,
平時係屋企開支酒都係幾百, 去到油酒店開支一模一樣嘅酒就要貴 3, 4 倍, 冇千二, 三蚊唔得,
所以我都係少去少去。
.
今次我同老公又發現左一間新嘅中菜小廚, 小廚同大牌檔有咩分別呢?
.
小廚好明顯就係環境乾淨D, 企理D, 當晚我就係著住 4吋高 high heel 入去食都冇問題~
.

.
因為新開, 所以連餐牌都好乾淨, 我可以好放心拎住黎睇, 平時只會用 2隻手指 "的"住睇~~
本來食中菜, 餐牌冇特別野好講, 但竟然俾我見到佢有個 『微波爐雞翼』
『Pizza 煎烏冬』, 仲有個 『野味豬心煲』, 咁特別, 真係不得不提啦!
.
 

.
平時食龍蝦, 多數都係配 "E健" 底, 不過佢地竟然係配烏冬, 而且出黎效果相當好, 又滑又爽,
相信佢用左靚烏冬先可以做到呢個效果, 原來上湯烏冬配龍蝦, 鳥冬先係真正主角 ~ ~
當晚D龍蝦雖然望落去唔係好大隻, 但係就好多肉, 而且D肉質好好, 好有彈性, 結果當然成碟掃哂!
.
 

.
呢個蝦, 大家去個時, 我都極力推介, 配白飯一流, 我成隻蝦連殼都食埋, 你就知有幾正!
海鮮只要新鮮, 肉質好, 其實已經贏左一半, 佢仲要炸到個蝦殼脆哂, 但蝦又唔乾身,
有機會大家都要試下!仲要連殼食!
.

.
呢個魚係連我DADDY都一讚, 因為食魚, 除左魚必須要新鮮, 仲要講究劏魚技巧,
最重要係火爐同時間嘅掌握, 而我屋企仲會睇一樣野, 就係 "讚"油個一下,
D油夠唔夠滾, 同鼓油嘅分量配合, 少少野出事, 都會影響成條魚,
不過連我老豆都一讚, 就冇野批評喇!

.
.
呢個好似叫京都排骨, 今次真係每一舊都有軟骨, 軟骨先係我最留意嘅地方, 唔係成日有架!
.

.
老闆推介炸乳鴿, 我地就叫左一碟,
原來佢可以炸到佢外脆, 但保持肉質JUICY, 每咬一啖, 
D 乳鴿都會有肉汁流出黎, 唔會乾爭爭咁!
.
 

.
估唔到我細妹反而對呢個牛仔骨最有好感, 佢話因為平時牛仔骨都會好大舊, 成到成口都係,
但呢一個就切到剛剛好, 女仔食都唔會好辛苦, 所以佢就係咁食呢個牛仔骨!
.
 

.
呢個都係老闆推介, 荷葉蟹飯, 真係有好香荷葉味, 堅係用荷葉包住隻蟹由生整熟,
隻蟹仲好大隻下, 平時食荷葉飯通常都係好濕, D飯一舊舊, 但呢個就相反,
D飯仲係一粒粒分明, 所以我都食左一碗, 我覺得蟹味反而唔夠荷葉出,
.
以為會係好濃味, 但原來係以荷葉嘅幽香為主, 屬於清啖嘅味道,
女士可以會比較喜歡~
 
呢個荷葉蟹飯係新鮮整, 所以製作需時,
我建議大家坐低就要叫定, 咁就唔洗等咁耐喇!
.
 
其實大家知唔知三坡坊係邊呢?
.
佢係眾安街轉入去就係, 下次去開荃灣, 諗唔到食咩就行入去睇下啦! 我見到附近有好多食野, 而今次我就揀左新開嘅 - 佳得廚藝, 總評係我會再同朋友去食~ NICE!

 
地址: 荃灣三坡坊30號地下
電話: 2439 0668 (唔太多位, 唔想等就訂位穩陣!)
.
 

‧其他文章‧
 
‧Youtube‧
 

     **********************    Twinkle C  information   ************************


     Blogspot   |   Yahoo! Blog   |   The ztyle     |   Beauty Life   | 

     She. com   |   Beauty exchange

 
     E-mail: leesiuj@gmail.com
     Thank you for visiting, Twinkle C x Siu J. Full Time Beauty Blogger.
     以上產品及資料, 部份由商家提供, 使用心得為個人意見的分享, 最終效果因人而異。


 
 

Twinkle C 發表在 痞客邦 PIXNET 留言(0) 人氣()

[飲飲食食] 大家樂 - 有錯會認, 叻叻豬!

.
.
話說早幾日, 我去大家樂食個 LUNCH 時, 叫左碗拉麵食, 點知食完之後 30分鐘就肚痛, 仲肚ALL, 之後我就打左去大家樂OFFICE 到講出我個情況, 希望佢地跟進一下。
.
.
然後我ALL左2-3次就冇事, 而當晚, 大家樂亦好快手回覆我, 佢有別於其他PR 的做法, 他一開始已經係道歉, 並查詢我現況, 並再度唔好意思, 然後就表示已經了解過情況, 有可能因為湯不夠熱而令我肚仔唔舒服, 整個過程誠意十足, 亦真係有了解過情況, 連我幾點買碗拉麵都知道, 並唔係得個講字,
.
.
最後更加用了一句說話: 我地大家樂希望你可以俾多一次機會我地, 黎嘗試多一次享用我地嘅服務, 我地唔希望冇左任何一個客人, 希望你以後都可以有信心咁享用我地餐廳嘅服務。
.
.
真係冇得頂, 好多酒店嘅 PR 都未做到呢個技巧, 其他公司真係要多多學習, 即使美心快餐, 明明自己食物有石粒, 因此令我地受傷要睇醫生, 美心都做唔到令客人得到滿意答覆。

.
PR 手段, 有時真係唔可以以公司品牌黎評品, 真係要學野。
.
.







**************************** Twinkle C information ****************************


     Blogspot   |   Yahoo! Blog   |   The ztyle     |   Beauty Life   |
     She. com   |   Beauty exchange
 
 
     E-mail: leesiuj@gmail.com
    Thank you for visiting, Twinkle C x Siu J. Full Time Beauty Blogger.


 
 

Twinkle C 發表在 痞客邦 PIXNET 留言(0) 人氣()

[飲飲食食] 深井裕記 - 馳名燒鵝, 不如美心燒鴨 -
好久未試過的失望


.
.
今天, 是慶祝什麼嗎? 應該不是, 可能只係想證明我係食足3餐, 仲一d都唔清淡... ...

.
.
老老實實, 我地平時係食開陳記燒鵝, (地下個間), 今次係因為我咁大個女都未食過裕記,

.
就決定一試, 點知就出事... ...
.
.
.
.
一貫老鋪作風, 平實裝潢, 環境都好乾淨~
.
.
我地叫左個4人餐, 再加個蟹鉗, 好好味, 又多肉~~
.
.
條魚就太熟, 而且唔夠新鮮, 不過都okay 可以入口嘅~
.
.
.
.
其他嘅小菜其實味道係冇問題, 但係個燒鵝, 我地等左一個鐘,
.
因為佢地做唔切, 太多單, 等到我地而家食飽飽都未黎, 唔緊要,
.
我地照等, 終於有得食喇, 可惜... ...
.
燒鵝肉好老, 好難咬, 外皮係好脆, 但係入面d肉就又濕又老,
.
重點係, 成隻燒鵝都唔入味,
.
我地覺得裕記平時水準應該唔會咁差, 唔係冇可能立足咁多年,
.
因為我地附近嘅食客, 個個都好失望, 個個都冇乜點食就埋單喇~

.
唯一可能, 係佢真係做唔切, 隻鵝根本連味都掩唔切, 又唔夠時間燒,
.
所以就搞到咁樣~ 我係好失望, 一家都好失望,
.
不過我又真係覺得平時嘅佢應該水準唔係咁... ...
.
.
不過, 我屋企人都怕怕, 下次去返陳記~
.
 






**************************** Twinkle C information ****************************


     Blogspot   |   Yahoo! Blog   |   The ztyle     |   Beauty Life   |
     She. com   |   Beauty exchange
 
 
     E-mail: leesiuj@gmail.com
    Thank you for visiting, Twinkle C x Siu J. Full Time Beauty Blogger.


 
 

Twinkle C 發表在 痞客邦 PIXNET 留言(0) 人氣()

[飲飲食食] $22.9/2 支 - 難得一系列6支都係藥水味

.
.
行過一田, 見到有新野,當然買黎試!

有 3支係有氣酒精飲品,
.
另外 9'C 個3支, 就係冇酒精~
.



.
.
吸引處係, 佢一扭就開, 唔洗用 OPENER~
.
.
係好方便嘅~
.


.
.
不過我又真係冇試過, 一SET 6支, 都係藥水味, 咳水, 傷風水, 退燒藥水,

要咩有咩, 真係估佢唔到~
.
.
一班朋友, 買黎猜下都唔錯~ 有病醫病, 冇病 "開心"~

.
TWINKLE C

Twinkle C 發表在 痞客邦 PIXNET 留言(0) 人氣()


祥正海鮮飯店 - 鼓汁蒸魚雲


.
.
最近 Twinkle 出少左好多文, 我唔係懶惰呀, 係因為我最新忙拍片,
一條3分鐘拍, 對於我呢d新手, 我要用3個鐘拍, 再用3個鐘剪, 所以就冇哂時間~
.
.
.

而且, 我係一個需要有好多思考空間嘅人, 每隔一段時間, 我就要停頓一下,

思考一下過去做成點, 而家做成點, 明天, 應該點樣做~~

有人覺得我會好浪費時間, 應該一路行, 一路諗, 做左先算, 但我比較喜愛緩衝一下,

然後再衝刺~

.
.
剛巧, 有死期的文章, 已經交哂, 我就懶惰了幾天, 休息了幾天,

被整頓的, 除了 blogger 生涯, 還有自己生活上的問題,

以及身體上的不適~
.
.
.
最近, 不斷有人問我, 你諗住就咁寫下野, 就當係一份工? 你會搵到錢咩?
.
其實真係唔識答, 如果我嘅世界有陽光個時, 我應該可以應付呢一d問題,


但當我嘅世界陰晴不定時, 我都唔識得答~

.

.

講返正提, 呢一間係 "鵝頸橋- 街市" 附近的大排檔, 係我今次想同大家介紹~

其實食左呢間野好耐, 一直都覺得佢係比較能夠保持水準,

而且海鮮亦係相對食得安心~



.


只係之前冇咩衝動想同大家介紹, 但最近, 有一次,

我食左佢個蒸魚雲, 就真係冇得頂,

勁大個魚雲, 滑do do, 又唔太多味精, 我2個人食哂一碟, 好鬼回味~

.
 .
佢嘅乳鴿亦係我必叫, 炸得剛剛好~,


.




































.


雖然呢度係真正大排檔, 我指環境, 但你會見到有好多 OL 黎食,

大家都唔介意佢嘅環境, 反而鍾意呢種不拘小節嘅味道,
.
老實講, 係TST 妹記上左鋪後, 好味海鮮大排檔真係少之有少,


下次去開 CWB, 唔知去邊食個時, 試下呢間啦~
.
.
.

.
* 叫魚雲個時, 問一句, 今日個魚頭舊魚雲靚唔靚? 唔靚就下次先食*

~ 魚雲唔新鮮, 出黎個味差好遠架~

.

地址 : 灣仔寶靈頓道16號永德大廈地舖


電話 : 2893 4797 / 2575 2101





**************************** Twinkle C information ****************************


     Blogspot   |   Yahoo! Blog   |   The ztyle     |   Beauty Life   |
     She. com   |   Beauty exchange
 
 
     E-mail: leesiuj@gmail.com
    Thank you for visiting, Twinkle C x Siu J. Full Time Beauty Blogger.


 
 

Twinkle C 發表在 痞客邦 PIXNET 留言(0) 人氣()

 

3
steps to make your own Latte!

(1) get ready a cold milk n cup
(2) put the VIA iced coffee powder into the milk, stir it
(3) tap on the FB in ur phone, then Enjoy it~
 

Take your time, Twinkle C
www.facebook.com/siujslifeblog
 

 

Twinkle C 發表在 痞客邦 PIXNET 留言(0) 人氣()

周記油渣麵
 
可能大家都有聽過, 佢個名。




我自細就同屋企人黎食, 其實我怕肥, 每次都會叫"瘦渣",
即係要瘦嘅油渣,




但最近, 原來仲多左個名, 叫 "超瘦渣", 即係乾爭爭,
炸到冇哂肉個D, 但係當然都仲有幾舊係有肉地嘅油渣啦~




老實講, 十幾年前, 我真係覺得佢好好味, 最精華係勁多加辣菜甫,
有時真係食到流鼻水........ 仲要飲啖湯, 真係冇得頂!




但係, 而家, 其實真係撞手神, 有時就仲係好好味, 個湯熱辣辣,
有時又真係唔夠熱, 個麵 仲會粉粉地,




冇得計, 只係睇你運氣!




但咁多年黎, 我一家人都總會一年去食十幾次,
可能我地掛住個種味精嘅味道, 又可能係掛住個種流鼻水嘅感覺,





又或者, 只係想食一下, 當年嘅味道~




深水埗福榮街117號地下 (近桂林街)





**************************** Twinkle C    ****************************

    

     Blogspot   |   Yahoo! Blog   |   The ztyle     |   Beauty Life   |
     She. com   |   Beauty exchange
     E-mail: leesiuj@gmail.com



Thank you for visiting, Twinkle C x Siu J. Full Time Beauty Blogger.

 
 




Twinkle C 發表在 痞客邦 PIXNET 留言(0) 人氣()

BLT - TWINKLE C
 






想知多D, 請去,
 
 
 
 
Twinkle C x Siu J - We sit on the Pole

Promote your Page too
Thanks Twinkle C
 
"You Tube Link" : www.youtube.com/siujslife
 
 
@

Twinkle C 發表在 痞客邦 PIXNET 留言(0) 人氣()



高麗韓國餐廳 Korea Restaurant


地址 : 北角和富道20-36號明暉大廈1樓

電話 : 2566 0706
營業時間:星期一至日: 12:00- 15:00; 18:00-23:00



 
早排去左北角一間老鋪食韓國燒烤,
其實佢冇咩好特別菜色, 而且地方都比食,
食燒烤都有幾大陣味,
.
.
但係佢有傳統韓國前菜,
而且所用的電鍍碗都好特別, 我地只係叫左一個2人套餐,
我同老公2個人食都已經好飽!
.
 
 
.
.
佢用嘅肉都係新鮮, 唔會太濃味, 亦唔會太大舊,
 
送飯食都幾好味,
 
.
.
.可惜, 因為佢地方細, 人太多,
 
侍應都做得好累, 所以服務態度就一般, 唔好咁有期望!
 
.
.
. 但如果經過附近, 冇心水食咩, 都可以一試呢間,
 
北角老鋪韓燒!
 
 
*********************************************
 
想知多D, 可以去:
 
有抽獎呀,  thanks
 
Twinkle C
 
 
 
 
 

Twinkle C 發表在 痞客邦 PIXNET 留言(0) 人氣()



 
$25 TST 雲吞面.
 
是日之選
 
if you want to know more,
please visit:
 
 
Thanks
Twinkle C

Twinkle C 發表在 痞客邦 PIXNET 留言(0) 人氣()

仲記得3月份個Apple crumble 嗎?

 
今個月再應朋友邀請,一齊去北角西廚學院再食多次!
 
 
 
今個月嘅主題係韓式同泰越餐單~

 
 
<> 係我最欣賞,
 
因為我最鍾意紙米嘅紙,透明又薄,又靚又好味。

 
~其實個紫菜吞拿魚都加好味架,細細粒咁,一口一件~


~

一路食,一路對住 D學廚,
望住佢地整甜品,感覺又新鮮又專業。
 
 
呢個係乾菌雲吞, 但我個人係比較喜歡 "香港" 雲吞多D~
 
 

 ** 黎呢度食野,見住廚師煮野,
 
或多或少會提醒自己,
 
每一碟食物,都係廚師用心製作 **
 
 
呢個係炸蝦壽司, 個茄子好好味~~
 
不過我夾到佢散哂, 因為要用刀叉食呀
 
 
 
呢個係冬陰公米, 我朋友食成碟食哂, 一條都冇留俾我食呀....
 
不過我食左佢隻大蝦, 正!
 
 
甜春卷, 都係第1次食,
 
個感覺好得意,
 
最吸引我地, 當然係個荔枝冰啦 ~
 
**** ***** ** ***** ** ** *** *** * **** ****** ** **** * **** ***** * ***** **
 
其實無論好食與否,大家都唔應該忘記廚師們用左好多心血同時間,
 
我地下次係食野個時,不如諗下佢地係煮野個時嘅辛苦,
 
可能食落個味道會有所唔同呢~
 
**** ***** ** ***** ** ** *** *** * **** ****** ** **** * **** ***** * ***** **
-
 
呢度係北角MTR EXIT A 馬寶道33號馬寶商場
 
午餐包括
(頭盤、餐湯、主菜、甜品,配冷熱餐茶)
午餐款式﹕主菜2選1
座位數目﹕約25個
 
------
 
214至216號舖
查詢﹕2156 0612(記得預約)

-
-
 
** 大家想食就要訂位,
** 逢星期二到星期五,中午12:00-2:30,
** 有少量枱可以訂,大家早D打電話 book啦!
 
 -
 
 -
 
 
 
If you want to know more,
Pls visit:
 
 www.facebook.com/siujslifeblog

Thanks
Twinkle C
























Twinkle C 發表在 痞客邦 PIXNET 留言(0) 人氣()

4月份的生豪


估佢唔到,  原來都仲可以好肥美~
結果我食左 7 隻.... ... ... ...

其實只係普通的一餐飯, 但只係加左10隻生豪同一支白酒,

成個感覺好似有種,
 
 
女人所謂的 『浪漫』,

有時, 女人比男人都更膚淺~
 

 
 
是日嘅粉底,
係REVLON 最新的COLORSTAY,
我好認真咁同佢試左超過5個妝,

以$159嘅價錢, 效果認真 OKAY!
 
If you want to know more, pls visit,
 
Thanks
Twinkle C




Twinkle C 發表在 痞客邦 PIXNET 留言(0) 人氣()

鏞記對面的翠華就成日去,

今次終於有機會去翠華對面的鏞記~

小菜的味道就同一般的小菜館差不多

係燒鵝就真係非一般喇~











Twinkle C 發表在 痞客邦 PIXNET 留言(0) 人氣()

上星期, 係朋友仔介紹下, 去左一個地方食~

<>

入到去, 感覺有少少壓力, 有幾十個廚師望住我地.... ....


我地坐低左, 有一個廚師好細心咁同我地講, 今日MENU 主菜二選一,

有雞同魚~~


我地望左個menu一陣, 就決定左一個set 要雞, 一個要魚~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

1. 喇, 上菜喇, 呢個係頭盤~
係咪好靚呢, 格仔入面係3種唔同味嘅醋~
個杯係我不太喜歡的蕃茄湯~

呢個味道okay~ 係個湯太濃~



2. 佢等我地食哂, 再慢慢出個salad~

係"火箭菜" , 我好鍾意食嘅沙律, 不過我朋友就唔太喜歡個個味, 佢話太霸~

但係我都覺得加多種菜會好食d~

3. 呢個就係主菜~

魚!

唔, 由於我唔食炸粉, 呢個菜我就唔太喜歡, 但我朋友就覺得幾好, 魚肉都仲juicy~



 
嗱, 呢個雞就o岩哂我喇!

味道剛剛好, 但仍需改進, 就係乾左dd, 有d硬~

但係我都會俾 "合格"~


4. 主角出場, 我地去食, 就係為左呢個 apple crumble!!!!

成餐, 我地最愛就係呢個 crumble~

佢外身脆, 但味道又唔會太甜, 仲有粒粒蘋果餡, 勁有口感~

我地成個食哂, 真係要俾個like 佢!



我地真係對住幾十個廚房黎食呢餐lunch 架~
你望下~

其實呢度係位於北角的西廚學院~ 為左可以令學員可以吸收多d真正客人嘅意見,
佢地中午會開放俾人客入去食 lunch~ 由於佢地都係主要為左cover 食材價格,
所以價格都會好平, 只係收$69一個 set!

係食嘅過程, 廚師都會問下客人嘅意見, 同時亦會為每位客人介紹每一道菜,
你表達嘅意見, 不論係好定唔好, 佢地都會一一接受同紀錄~

去呢度食, 唔可以當係去一般餐廳咁,
要認真咁食下, 當我地食緊嘅時間, 有一批學廚就好認真咁上堂,
見到佢地咁認真, 我地都唔可以馬虎咁食~

俾完意見, 希望佢地會改進, 下個月再去食過, 睇下有冇進步到先~


午餐包括 $ 69
(頭盤、餐湯、主菜、甜品,配冷熱餐茶)
午餐款式﹕主菜2選1
座位數目﹕約25個
地址﹕北角MTR EXIT A 馬寶道33號馬寶商場
214至216號舖
查詢﹕2156 0612(記得預約)

 
if you want to know more, pls visit
www.facebook.com/siujslifeblog

thanks!

Twinkle C 發表在 痞客邦 PIXNET 留言(0) 人氣()


早排見到雜誌同團購都有推廣呢款口服Placenta C Jelly 胎盤素啫喱~
 
我之前一直都想試, 多謝MY AGE 安排下, 我終於有機會試到呢款產品~





呢隻係今季限定嘅味道, 朱古力味, 日本雜誌MODEL 大推,
限定味都有得試, 真係好彩~
 
以前我飲過(骨膠元)飲品, 個個味唔係咁易接受, 結果成盒仲擺係屋企~
但呢隻口碑係話好味, 我就放心咁咬落去!



一個包裝盒, 一盒有7小包獨立包裝, 市面公價係$68, 平均$10一小包,
細細包都幾方便帶出街~



嘩, 打開第一下, 個樣有少少奇怪, 好軟身, 但就好香朱古力味~
 
我咬第一啖, 真係啫喱, 仲係朱古力味啫喱, 好好食喎~
 
唔洗兩啖就食左落肚~


~真係有食哂成盒~
 


 
之後個幾日, 我都好乖咁一日一包食哂成盒,
我有試過做完GYM食, 訓覺前食, 同一朝早空肚食,
最好味就係做完GYM 食.... ...
 
因為, 我真係當佢啫喱咁食~ YEAH!
 
 胎盤素啫喱, 其實係D好複雜嘅野, 簡單D黎講, 就係對皮膚好嘅補充食品,
主要功能係抗衰老同美白, 令皮膚回復本來嘅彈性~
 

 
只要食足一星期, 就有豐富滋潤膠原蛋白C 啫喱, 入面有15000mg魚膠原蛋白,
鯊魚軟骨素, 包括可以幫助保水的透明質酸和維他命c
 
 
除左傳統護膚品, PLACENTA C JELLY真係新一代女仔嘅皮膚補充品,
內外都做足, 要有美肌應該唔再係難事!
 
難怪日本D女仔個個都大力推介~
 
想知多D有關我嘅體驗, 去我個FB啦~
 
 
THANKS My AGE,
THANKS GALS!
 
 
 
 

 

Twinkle C 發表在 痞客邦 PIXNET 留言(0) 人氣()

一個字,正!







Twinkle C 發表在 痞客邦 PIXNET 留言(0) 人氣()

水準不變,正!

Twinkle C 發表在 痞客邦 PIXNET 留言(0) 人氣()

1 2