平民價格 - SOGO 質素的禮盒COOKIE
早幾日行過一田百貨時, 見到有盒好靚嘅COOKIE,
見到價錢只係 $280, 我諗都唔諗即刻買左!
佢有幾靚?
你睇下張相就知啦~
好精緻包裝, 唔係得個殼, 有手抽款仲有首飾盒款,
以為佢睇得唔食得?
咁你就錯喇,
我已食左,
佢好鬆化, 仲唔重牛油同唔會好甜,
直情係我杯茶!!
到而家為止,
每一個見過呢盒野嘅朋友,
冇一個唔話靚~~ 10000000000 X LIKE!
Rivon 其實係一間係台灣好出名嘅餅店,
佢不單止做cookie, 仲有做蛋糕,
不過全部以禮盒為主, 佢係台灣有強大網絡,
不過係香港暫時未有正式分店,
只可以係過時過節, 唔同嘅百貨公司見到佢踪影,
如果佢第日有機會黎香港, 肯定俾人狂掃貨,
$2xx 有 50-60塊獨立包裝 cookie, 仲有靚靚包裝,
不論係送禮定自用都一流啦!!
以下係佢嘅web site, 下次去台灣等我都去睇下先... ... http://www.rivon.com.tw/
Twinkle C 發表在 痞客邦 留言(0) 人氣()
睇完係咪好想食呢?
仲要呢幾日咁凍!
其實佢係旺角勝利道，叫鳴門魚湯麵亭。
雖然地方真係好擠迫，真係好似好條東京小店，
但佢滾住上枱嘅石鍋魚湯烏冬又真係好好味，
原來「鮟鱇魚湯」是小店招牌!
聽晚再去食過先.!
Twinkle C 發表在 痞客邦 留言(0) 人氣()
唔知點解, 聖誕前席必定會到沙田新城市廣場行一行~ 今次行完, 就去左食一個- 鮑魚虎蝦牛扒定食~
其實我唔係好想寫飲飲食食, 因為野食呢家野, 好主觀, 有人鍾意海鮮, 有人會覺得魚鯹, 有人好愛牛, 但有人戒牛。
但我又覺得有時有D比較特別嘅地方或者野食, 都應該要講下, 你放心, 我只會講一D特別D嘅野食。(留意, 係我覺得特別嘅野食喎)
呢間係 IKI, 食日本鐵板燒, 如果平時可以坐係吧枱, 對住個日式鐵板燒黎食, 我就覺得會特別D, 今晚我地只可以坐係普通枱, 就好普通。
我地本來想叫(下圖)$368龍蝦2人定食, 但佢話賣哂, 要轉4隻虎蝦同2隻鮑魚, 問我OK唔OK, 我望一望, 發現如果轉左, 其實同佢本來 $328個虎蝦餐差唔多, $328仲要係厚身D牛扒, 而佢呢度D鵝肝我根本信唔過, 所以我最後係叫 $328虎蝦餐!
其實佢不過不失, 普通一餐, 問題係我同老公食完, 都好似唔多夠飽, 我真係想知我地係咪咁大食???
不過我幾起以前去日本去旅行, 其實食佢地一個普通定食真係唔夠飽, 要食多個小食先得, 如果唔係要宵夜, 咁呢間野都係跟足日本文化, 之但係, 佢要係香港身存, 似乎份量要配合返香港人, 至少碗飯要多D, 如果唔係, 好似我咁, 我下次同老公或者男仔都唔會黎呢間, 費時餓住走去食宵夜~
Twinkle C 發表在 痞客邦 留言(0) 人氣()
唔知點解, 到左冬天個個都好似唔想食生果咁, 寧願去食糖水多D!
不過今日我同老公就去左九龍城買一堆生果返屋企一路睇大太監, 一路食, 好好味, 冬天, 都有好香甜嘅水果食, 其實香港真係美食天堂! 要咩款都有, 連西瓜都有!!!
下次大家係飲糖水之前, 不防用生果代替糖水, 點都會有益過飲D糖落肚啦.
橙色個D係日本桔仔, 好甜嫁,連皮食, 老板話好有益添!
Twinkle C 發表在 痞客邦 留言(0) 人氣()
