Hong Kong Young Fashion Designers' Contest (YDC) @ Twinkle C 星空中的美麗小魔法

Hong Kong Young Fashion Designers' Contest (YDC)

尋日有幸得到VANESSA的邀請,

有得入場睇呢個 - 香港青年時裝設計家創作表演賽。

我先唔講佢係咩SHOW, 淨係講你知MC係DJ余迪偉仲有嘉賓葛文輝~

呢個組合, 應該都已經估到呢個SHOW係同『潮流 – 時尚- 設計』… …型!

有幾型?

你睇清楚D眼INVITATION, 佢係用BUBBLE WRAP 製成, 連CATALOG 都係用BUBBLE紙做封面，個一刻我就知道呢個SHOW 應該會令我幾興奮。

我自己唔係讀設計, 不過係多諗頭, 古靈精怪嘅人, 對於呢D『新奇』野, 好期待~

初初以為本地製作, 可能舞台都會偏簡單, 但當入場後, 就知道我同香港製作, 有少少脫節… … 大家有冇睇過FASHION TV?

淨係門口嘅佈置, 已經令成個SHOW 嘅感覺加重, 主色黑同紅, 簡潔嘅長形燈框, 加上超大英文 WE LVOE FASHION，

我都想講一句, WE LOVE FASHION!

未開SHOW前, 我走左入去攝影區, 超多攝記, 但我估唔到外國傳媒都佔一半, 望一望後面, CONTROL台勁大, 同紅館個個差唔多, 最重要係, 隊CREW都係靚仔靚女, 之後我上WEB SITE都見到好多人影佢地相… … … …堅型!

個SHOW開始個時, 佢用黑白相嘅MV STYLE 去介紹參賽嘅設計師, 成件事開始變得有D凝重, 播完之後就到重點CATWALK~

由於我坐第一行, 件衫我真係可以係MODEL身上睇得一清二楚, 就算我唔係行內人,
但係都會感受到每一件作品都必定花左好多心血… … 有D作品令我好深刻,
好想知道係邊位設計師嘅作品，然後對佢鼓掌… …

由於尋日下午我要開會, 我冇能力帶部單鏡出席, 只有IPHONE 5係身, 成個過程我都係用IPHONE 5黎影, 係有少少out fo, 但係一部iphone影到咁, 我已經好滿意!

catwalk

嘅過程我唔講喇, 你地睇相啦~

不過我好鍾意佢下半part, 由YDC 2012年得獎者負責嘅表演, 我唔知係由邊一個人負責安排設計演出, 但由全場一黑, 到係後台打大燈, 放煙放氣球, MODEL 並列而出，嘩，型到~ 真係型到爆炸!

到門開哂, 刊起音樂, MODEL勁有氣勢咁行出黎, 唔講都係呢D係上年冠軍級人馬作品… … 真係好似4D睇戲咁. 連D MODEL都有殺氣過人…. …

到左最後, 竟然係由呀葛帶住JDC輕氣球出黎頒獎，全場即刻HIGH哂~

好啦, 係時間簡單介紹一下咩野係JDC, 其實你睇完而家都估到D啦~

「香港青年時裝設計家創作表演賽」(簡稱YDC)由1977年開始舉辦，以培育及鼓勵本地設計新秀為使命，為業界發掘設計人材，並藉此提高香港作為亞洲時裝設計中心的地位，三十多年來已經成為同類型活動中最具代表性的一個。過去曾參賽的設計師，當中不少都成為了本地時裝及成衣界的首席設計師，也有一些獨當一面，成立了為人熟悉的自家品牌。

YDC於每年一月的香港時裝節及香港國際時尚薈萃期間進行，是本地時裝界一年一度的盛事。

其實而家YDC已經開始有好多海外媒介關注,
我眼見都有至少6-7隊MEDIA係外國團隊, 加上呢幾年, 香港設計師真係比以前大膽左,
開始可以衝破自己嘅框框, 比以前更加勇於表達自己嘅意念,
真係希望香港政府可以係呢方面做多D宣傳同關注, 可以開放更多公眾平台俾人交流~~
唔係淨係行內人士先可以參與啦~