目前分類：[MAKEUP] (65)

瀏覽方式： 標題列表 簡短摘要

最平eye make-up remover cleaning lotion, 到底有幾平?
Boots 大家都應該認識, 亦都知道佢係英國牌子, 另外泰國亦有佢其中幾條line 嘅product, 香港人一般都會大手掃貨。

但係11月頭, BOOTS IS BACK!
佢正式重臨香港6間萬寧, 鰂魚CHUNG, 中環, IFC, 沙田, CWB 等, 大家去左朝聖未??

我係FACEBOOK 睇到有關資料, 第2日就即刻去左CWB個間, 當時仲有COUPON派, 買滿天$100減$20。
我想講嘅唔只係BOOTS 嘅重臨, 而係, 我一直鍾情嘅最平眼部落妝LOTION, 而家香港都有得買喇!!

到底有幾平? $50一支150ml 平唔平? 佢唔洗$50
Boots eye make-up remover cleaning lotion - 只係$25, 就有150ml,
一支平均都可以用1個月, 仲要佢真係落到妝而不油!

佢係milk lotion 狀, 好易推,
用法亦好簡單, 用1個5蚊份量, 係眼上面好輕力咁按摩,
大約1-2分鐘, 就可以溶解化妝品, 然後過水, 再用一般cleaner洗面就可以喇!
包括一般眼影同眼線, 防曬, 曠物粉底等淡妝, 我upload左條片俾大家睇:




我畫左3條眼線, 最底係maybelline master eye liner, 由於係防水產品, 就未能成本溶化喇, 其他嘅都好快就乾淨左。

唔鍾意睇片嘅, 可以睇以下圖片, 都可以睇到效果~


$25 一支, 我夏天落防曬都係用佢, 抵用得黎好用, 快d抽時間去望下, 探下boots 啦! ^^^^^^^^^^^^^^^^^^^^^^^^^

想知多D, 去我個PAGE 啦,
www.facebook.com/siujslifeblog

Twinkle C 發表在 痞客邦 留言(0) 人氣()

▲top
POND'S Cold Cream  VS Maybelline master liner
the cool classic
deep cleans & removes make-up



幾日前我咪買左 Maybelline 新個隻master liner 防水防油eyeliner, 我見佢防水, 所以我早幾晚落妝都拎左支 POND'S Cold Cream 出黎試下。

可能你覺得我奇怪, 落妝唔係應該用一支就得, 點解我會"拎"返支POND'S Cold Cream 出黎, 其實我都講過, 唔同場合化唔同妝, 咁自然落妝都會有唔同嘅配合啦.

如果唔係全妝, 而又用左bb cream 或者防水eyeliner, 我都會用呢支POND'S Cold Cream 。

係咪好似市面上比較少見呢支product? 其實我係半年前嘅萬寧買, $8x, 我見未試過就買黎試下。

第1次用個時, 個質感似好油嘅cream, 推兩推就溶化左d make up, 但就洗極都唔乾淨, 之後先發現, 原來要用紙巾抺走d cream先會乾淨。

 
 
 
我就upload左一段用POND'S Cold Cream 卸走防水Maybelline 嘅片, 片中尾二個條就係Maybelline , 最低個個係我最愛clinque 溫水mascara, 片中一次過證明左3樣野:

1. POND'S Cold Cream  防水產品都可以KO
2. Maybelline master liner 需要油性產品先可以卸走
3. Clinque 溫水mascara 真係防水防油, 係唔防暖水, 片中我係用暖水沖洗

POND'S Cold Cream 使用方法好簡單, 用5豪子份量係面上輕推按摩, 約1分鐘, 就會見到已經將化妝品溶化, 然後用紙巾擦拭。

雖然COLD CREAM 講明唔會塞毛孔, 但我個人習慣每次落妝後, 我必定會再用自己洗面奶再洗一次面, 以確保乾淨, 同面部唔會拉緊, 姊妹, 要靚係唔懶得嫁!!

點解今次會用佢, 原因有2個, 1係佢平D, 2係佢無落妝油冇油, 對雙眼對咀唇會好D, 下次再講下其他卸妝產品啦~

Twinkle C 發表在 痞客邦 留言(0) 人氣()

▲top


 
MAYBELLINE MASTER LINER - CREAMY PENCIL - 眼油唔洗怕啦.
今日買早餐個時經過SA SA, 入去兜左個圈, 見到MAYBELLINE出左隻新EYE LINER, 即刻買黎試下。其實我自己用開個隻已經唔差, 不過女人都係想比較,
 
而且MAYBELLINE支MASTER LINER 平好多, 只係$5X, 對比我用開個支平成2/3, 梗係試下啦。
 
而且, 我都覺得去唔同場合, 條眼線都應該係要有D唔同, 雖然其實我已經有好幾款唔錯嘅眼線。
佢呢支係叫CREAM PENCIL, 即係柔身狀態, 好順滑同好易上色, 輕輕力已經畫到, 眼皮完全唔使受力, 顏色比較深同濃色。


我買支左啡色, 出黎已經好似深灰, 支筆係自動旋轉, 使用時會比較方便, 由於佢係防水, 防暈染, 固此好快乾, 如果想要有BLEND鬆佢嘅效果就做唔到喇。
我用左1日, 得確冇化到, 而且好濃色。
如果想淡妝, 輕輕一筆已經夠, 唔需要補筆或加粗, 如果化全妝, 或要先用另一隻鬆身LINER打底, 上眼影, BLEND鬆左個BASE先, 最後加一筆MASTER LINER, 對眼應該會好SHAPR, 但係又唔會係LIQUID EYELINER咁實色。
 
另外, 我會重點推介俾眼油多嘅女仔, 佢應該可以幫到你地, 而且價錢平, 值得一試。 
 
以後我跳舞都唔洗再就住對眼, 怕D眼線會化~~  
 
上圖最低個隻就係MAYBELLINE MASTER LINER - CREAMY PENCIL

Twinkle C 發表在 痞客邦 留言(0) 人氣()

▲top


UNDONE Hair Style, 今個冬天, 起身可以唔梳頭就出街喇!!
 
係呀, 我冇講錯講, 起身個頭蓬蓬鬆鬆, 用手抓兩下, 再嘖兩下SPRAY, 然後就可以出街。頭髮亂了, 就係今季STYLE!!

 

2012AW唔再興整整齊齊貼貼服服嘅髮型, 以前最討厭嘅BB毛, 同新長出黎嘅頭髮, 今季靠佢令你成個LOOK 潮哂。

 
其實soft, natural 同un-done嘅元素已經吹左幾年, 不過今年認認真真hit左, 你打開雜誌, 所有大牌廣告model嘅頭同catwalk show 入面嘅頭, 全部都係有d”混亂”嘅感覺, 俾人望落去個感覺親切d, 真實d, 舒服d, 同以住gel到硬實實, 高貴去ball look好唔同。

 

呢個un-done look, 大家唔洗苦惱, 離不開都係要個頭有空氣感, 輕身同啞色。根據高人指點, 就係唔好刻意去區分頭髮先tong或者gel, 要隨意抓一束一束咁處理, 最後就最重要, 要輕輕力咁抓鬆髮束。緊記要抄鬆頭頂及兩側, 再輕輕嘖一下spray定形, 完成。

 
聽落好似好複雜, 簡單少少講我個人處理嘅方法啦(我d頭髮係受損髮質, hair stylist話至少要休養到4月先可以再電):
 
1.    吹直look: 隨意吹直, 雙手搓揉少量啞色髮蠟, 然後輕輕於頸位攝一下, ok!

2.    曲髮look: 先揸少量輕身曲髮cream係髮中間至尾部, 再隨意捲曲頭髮快速用吹風筒罩乾, 之後挑起頭頂頭髮然後嘖spray, 再隨意用手捲一下曲度, ok!

3.    扎髻或馬尾look: 先用1. 的方法, 再隨意徒手扎起, 留意髮尾一定要留出來, 鬆鬆散散的感覺, 如果真的太散, 可以係底層暗地用髮夾pin一下。

 
 
為左令大家有個idea, 我借助了日本東京涉谷的LILI SALON的圖片給大家說明, 詳情可去: http://www.lili-hair.jp/

 圖片來自LILI SALON

 


Twinkle C 發表在 痞客邦 留言(0) 人氣()

▲top
自問, 我都係一個極度懶惰嘅人, 由於我經常要05:30起身, 然後用10分鐘時間梳洗, 10分鐘化妝, 10分鐘換衫出門口, 化妝對於我黎講, 每一個STEP 都要快靚正!!!
由於我唔係一個專業化妝師, 化妝品的方便+效果對我黎講, 十分重要。

以前嘅年代, BB CREAM係屬於一個偉大發明, 但對於鍾意淡妝嘅我, BB CREAM 都係太厚身, 要我05:30 化到17:00, 實在頂唔順。 直至10月份, 我個修眉姐姐介紹左我買呢隻BOBBI BROWN MINERAL POWDER, 我真係覺得05:30-17:00都唔再係問題。

SALES 姐姐話礦物粉可以護膚, 保濕, 問心用左差唔多2個月, 我就唔覺可以護膚, 但事實係塊面唔會覺得辛苦 , 就算化左6個鐘, 用紙巾印一印D油, 就已經可以, 即使唔補粉, 對於喜愛淡妝嘅人, 仍然係冇問題。

但對我黎講, 最重要係佢好易用, 只係十幾秒就搞掂, 仲同時有遮瑕作用。

其實呢, 用佢都有方法嫁, 首先買佢返黎個時, 有塊透明膠紙, 千期唔好全塊扯走, 只係剪走1-2個孔, 再COVER返其他孔, 咁樣D粉就唔會跌哂出黎, 即使得6g都可以慢慢用, 唔會跌到周圍係。之後就係上粉喇, 咁就真係要配埋bobbi brown個專用礦物掃, 雖然個掃都要3百幾蚊, 但係佢跟左個皮袋仔, 諗起十幾秒上粉, 咩到值啦.



最重要, 就係上粉手勢, 其實好簡單, 將少少粉倒落去個蓋到, 用個掃係個蓋到係咁打轉, 約3-5秒, 然後按平時上粉嘅方向, 輕力係面上roll 粉, 一個方向, 好快就上完, 如果多細紋或雀斑嘅位置就輕輕上多一下, 就okay喇.

之後加條眼線, mascara, 少少胭脂就出得街, 最多就加埋eyes concealer, 精精神神咁見人, 冇失禮啦 :)

話就話over night唔落妝都唔怕, 但其實係我地呢d懶人, 落得唔夠仔細都唔洗怕, 唔同bb cream, 真係落少一round都擔心., 呢盒野, 真係我近期嘅最愛.

Twinkle C 發表在 痞客邦 留言(0) 人氣()

▲top
«1234

Twinkle C 星空中的美麗小魔法 (HK) 我希望每個女孩，都能夠從星空中發光發亮 我的分享中，包括了隨著潮流而改變的打扮, 當季流行的化妝, 當然亦會有我多年累積而來的護膚經驗，以及一直被大家追蹤的美容儀分享。 而然，美容界的盛事亦少不了~ 雖然我以美容護膚為主導，但杯中物，賽車，各地美食等事我亦相當關心，你會想知道多一點點嗎?