Heineken 聖誕Party 5L大桶啤酒，而家係Esso油站有買喇, 只係$198/ 桶!
聖誕好快就到，開始籌備party未呀?
每年聖誕, 少不免會同一班朋友聚埋一齊，咁開PARTY梗係要搵d集體遊戲玩下，而玩遊戲就離不開啤酒，但係次次都飲啤酒，實在無黎新意，不如今年買一桶 Heineken 5L啤酒返屋企玩下啦!
佢係屬於台灣出品, 但係正貨Heineken, 係包裝入面, 有哂說明書同指引, 唔洗擔心搞唔掂。而事實上佢只係需要將附送嘅喉管插入頂部空位, 按指示拉下就已經可以噴出啤酒。
操作超簡單, 唯一係因體積較大, 有5L, 成桶放入雪櫃似乎有難度, 佢就建議我地外置冷筒加冰鎮凍, 約2小時就可以凍哂, 而且佢話飲唔哂可以係30天內飲都冇問題。
不過, 我相信開PARTY個日一定第1 ROUND 已經俾人KO, 所以我已經買左 2桶係屋企迎接你地班酒鬼喇!有時間可以去我個FACEBOOK支持下,
FACEBOOK FAN PAGE 會定期推出專題介紹,
好似介紹整蛋糕, 西班牙意大利餐廳, 各種酒,
淘寶的掏寶&中招實況, 各式SUPER CAR實況簡介,
同各行業的背後真相等.....
今期專題為 <> - 茶
2012年12月下旬專題為 <>- 聖誕
2013年1月上旬專題為 <>- 戀愛
2013年1月下旬專題為 <>- 結婚
http://www.facebook.com/siujslifeblog
Twinkle C 發表在 痞客邦 留言(0) 人氣()
Dr Martens!!
新到軟皮20個孔入手!
自細已經係 Dr Martens 迷, 由返學鞋個條黃線開始, 註定戀上他。
Dr.Martens 經歷左60年代的 Mod, 70年代的 Rocker, 80年代的 Punk, 90年代的 Grunge & Techno, 50年來 Dr.Martens 依然保持故我風格, 基本上都冇重大改變。
由2011年開始, Dr.Martens作出左總大嘗試, 外界有支持, 亦有反對。
我個人偏向事實嘅 OUT PUT, 靚咪好, 唔靚咪唔好。
2011年佢推出左幼跟, 充滿女人味, 我上年第1次間走去買, 到左2012年, 佢一推就推左一系列HEELS, 有橡膠粗跟, 有木底幼跟, 甚至有船爭, 而我, 就先買左對英國版14孔硬牛皮, 再剛買左呢對軟皮20孔。
20孔唔係第1次出, 但用呢款皮就係第1次喇, 軟皮有幾好, 唔洗我講啦, 對腳唔洗受罪囉, 著對薄襪已經搞掂啦, 而且佢係鬆身款, 包褲都仲可以呢。
遲D我再同大家慢慢介紹佢今年其他款式啦!
Twinkle C 發表在 痞客邦 留言(0) 人氣()
Twinkle C 發表在 痞客邦 留言(0) 人氣()
東涌現時氣溫23度，陽光普照，出街記搽SPF30以上防曬!
Twinkle C 發表在 痞客邦 留言(0) 人氣()
唔知點解, 聖誕前席必定會到沙田新城市廣場行一行~ 今次行完, 就去左食一個- 鮑魚虎蝦牛扒定食~
其實我唔係好想寫飲飲食食, 因為野食呢家野, 好主觀, 有人鍾意海鮮, 有人會覺得魚鯹, 有人好愛牛, 但有人戒牛。
但我又覺得有時有D比較特別嘅地方或者野食, 都應該要講下, 你放心, 我只會講一D特別D嘅野食。(留意, 係我覺得特別嘅野食喎)
呢間係 IKI, 食日本鐵板燒, 如果平時可以坐係吧枱, 對住個日式鐵板燒黎食, 我就覺得會特別D, 今晚我地只可以坐係普通枱, 就好普通。
我地本來想叫(下圖)$368龍蝦2人定食, 但佢話賣哂, 要轉4隻虎蝦同2隻鮑魚, 問我OK唔OK, 我望一望, 發現如果轉左, 其實同佢本來 $328個虎蝦餐差唔多, $328仲要係厚身D牛扒, 而佢呢度D鵝肝我根本信唔過, 所以我最後係叫 $328虎蝦餐!
其實佢不過不失, 普通一餐, 問題係我同老公食完, 都好似唔多夠飽, 我真係想知我地係咪咁大食???
不過我幾起以前去日本去旅行, 其實食佢地一個普通定食真係唔夠飽, 要食多個小食先得, 如果唔係要宵夜, 咁呢間野都係跟足日本文化, 之但係, 佢要係香港身存, 似乎份量要配合返香港人, 至少碗飯要多D, 如果唔係, 好似我咁, 我下次同老公或者男仔都唔會黎呢間, 費時餓住走去食宵夜~
Twinkle C 發表在 痞客邦 留言(0) 人氣()
Little twin stars 你有冇儲過佢d膠布呢? 
Little twin stars, 係我細個個時嘅當紅公仔, 唔少男男女女都會覺得佢地好可愛同好靚。
記得80年代個時, 一堆公仔, 有xo, 有青蛙仔, 有little twin stars, 有布丁狗, 有PC狗, 仲有馬騮仔等等, 個個都好可愛, 每個女仔總會鍾意其中一兩個, 然後會儲起佢地成個COLLECTION, 包括鉛筆, 擦子膠, 間尺, 膠布仲一定有信紙。當買到新款膠布, 仲會同"BESET FRIEND" 交換, 仲要係老死先會!
我印象中, 當時公仔產品有分系列, 每年每季嘅款式都會有D唔同, 好PRO, 我地仲可以識得分邊D OFF season, 應該會平d。
一轉眼十幾年, 佢地好似慢慢沈寂左, 消聲匿跡, 好難先會揾到有一間精品店有佢地d野賣。
相信, 而家D小朋友可能只會知道IPHONE, IPAD MINI 同各大名牌, 似乎已經唔會再熱衷於一個卡通公仔。同佢地講, 佢地都以為我地傻。
不過, 今年LITTLE TWIN START竟然返左黎, 仲出現係一個位置MIKIKI商場嘅大型佈置, 係一個一一望到就好心甜嘅佈置, 連我老公見到都話"個總感覺返哂黎"!
一個粉色系列嘅可愛大蛋糕, 就算再COOL嘅女仔見到都忍唔住要影張相。其實有時人所追求嘅, 只係一種好簡單嘅窩心感覺, 唔需要好花巧, 好五光十色, 粉紅色同粉藍色頭髮, 一個圓臉, 一條白色天使裙, 加一粒黃色星星, 已經好靚好開心。
睇慣左10層樓高, 掛滿燈泡嘅超巨聖誕樹? 今年不如黎呢度睇下, 搵返大家純樸嘅"童真" 影張相留念下都好丫。係呢段期間, 係呢個商場用電子貨幣消費滿指定金額, 仲可以換走特別版LITTLE TWIN STARS 嘅化妝袋同電話袋。老實講, 我唔會捨棄我用開個PRADA化妝袋, 但呢個袋我係換黎擁有, 換到個一下真係好似細個儲到新膠布咁。 真係好靚!
Twinkle C 發表在 痞客邦 留言(0) 人氣()
咁凍,你一定換左季啦!
我自己都一早換左季啦!!
但小J就今日先換，唔搵唔知, 原來狗仔嘅男仔衫要手工好好，款又靚個D真係咁難買。
以前咁多年, 由於工作關係, 我經常去泰國, 所以, 我多數都係泰國幫GiGi(狗女)買。
唔知你地有冇留意, 泰國人好鍾意狗仔, 佢地好有心思, 就算一條車線都會好仔細, 莫講話鈕扣同配飾, 除左款靚, 個CUTTING都會好講研, 好似著完狗仔舒唔舒服, 會唔會令狗仔跳唔到咁。
雖然價錢都係HKD100-200一件, 但D款係好特別同精緻, 我從來冇係香港見到撞款!
真係, 唔同係香港個D, 就算$200都只係一件厚D嘅衫仔, D車線唔靚不得止, 有時有D質料狗仔會敏感, 因為唔透氣, 有D著完會令狗仔行得辛苦, 除左無風格仲令狗仔討厭著衫, 香港真係好難買到d得意又好質地嘅狗仔衫, 下次我去泰國要再買多先!!今次買左件英倫feel乾濕褸，CUTTING 唔夠型, 不過頂住先啦, 小J 俾我剃哂毛, 出街冇靚衫點得呢!
等我遲d得閒飛去泰國幫佢再揾過d衫仔褲仔先!!
Twinkle C 發表在 痞客邦 留言(0) 人氣()
夜夜不眠，爬了上床，仍然滿腦文字，既然要一點時間，讓文字安緩，不如稍喝一杯，整理⼀下手上工作嘅先後次序。
Twinkle C 發表在 痞客邦 留言(0) 人氣()
唔知點解, 到左冬天個個都好似唔想食生果咁, 寧願去食糖水多D!
不過今日我同老公就去左九龍城買一堆生果返屋企一路睇大太監, 一路食, 好好味, 冬天, 都有好香甜嘅水果食, 其實香港真係美食天堂! 要咩款都有, 連西瓜都有!!!
下次大家係飲糖水之前, 不防用生果代替糖水, 點都會有益過飲D糖落肚啦.
橙色個D係日本桔仔, 好甜嫁,連皮食, 老板話好有益添!
Twinkle C 發表在 痞客邦 留言(0) 人氣()
Heineken 聖誕Party 5L大桶啤酒，而家係Esso油站有買喇, 只係$198/ 桶!
每年聖誕, 少不免會同一班朋友聚埋一齊，咁開PARTY梗係要搵d集體遊戲玩下，而玩遊戲就離不開啤酒，但係次次都飲啤酒，實在無黎新意，不如今年買一桶 Heineken 5L啤酒返屋企玩下啦!
