目前分類：[MAKEUP] (65)

瀏覽方式： 標題列表 簡短摘要

 
一扭一畫, 為雙眼畫出彩虹！
Clinique chubby stick shadow tint
 
 
 
 

 
化妝從來都係一件高深學問, 出街個日心情好唔好, 隨時因為個妝而改變 ~

係雜誌成日見到 MODEL 對眼化到彩虹咁, 係咪心思思, 都想試下呢?

由今日開始, CLINIQUE 明白我地嘅需要, 為我地推左

全新8色亮彩眼影筆
Chubby Stick Shadow Tint for Eyes!





 
由淺色到深色, 一共有8隻色,
一隻色做BASE, 另一隻色做主色, 任你配搭, 隨時由日妝轉晚妝！
 
~ ~ ~
 
毋須任何技巧, 只需要扭一下, 畫一下,
就可以畫出貼服的妝容, 而且顏色持久,
 
可以避免因為眼油溶掉或者出現摺痕!!!
 
~ ~ ~
 
毋須加任何 BASE, 只需要輕畫,
佢畫出黎嘅顏色會同包裝上的顏色一樣的呈現,
今次絕對係 "出色"！




 
.
.
*** 淺金色係百搭首選, 除左做 EYE SHADOW 外, 我仲用左佢做HIGH LIGHT 眼頭! ***
 
*** 化日妝用淺金亦非常方便, 輕輕一下, 已經有精神感覺得 ***

.
.

 
 
 
ChubbyStick Shadow Tint for Eyes 8色:(售價: $155 )
 
Bountiful Beige、Pink & Plenty、Fuller Fudge、Lavish Lilac、
Mighty Moss、Two Ton Teal、Big Blue及Massive Midnight
 
.........................................................................................................
 
 
我之前亦都已經用左 Clinique chubby stick shadow tint
 
金啡色同淺啡色做左一個眼妝示範, 大家可以望下,  真係好易HANDLE,
 
就算唔識化妝都可以畫到好靚嘅眼妝！
 
 
 
<<示範1, Video: http://youtu.be/758e0Qb0Oig >>
 
 
&
 
 
<<同時我亦都準備左一個變妝示範,  video 2: http://youtu.be/LmpZleNTsvc >>
 
 
 
............................................
 
 
希望大家可以支持一下啦, 整左好耐架... ...
 
 
(其實呢 2支係我買俾媽媽用架, 佢唔識化妝, 但都可以handle 到, 信心推介！)
 
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
 
想知多D, 請去,
 
www.facebook.com/siujslifeblog
 
 
 
Thanks Twinkle C
 
"You Tube Link" : www.youtube.com/siujslife
 
 
 

Twinkle C 發表在 痞客邦 留言(0) 人氣()

▲top

Clinique Even Better 勻淨科研亮澤粉餅 SPF 25/PA+++

 - 粉餅都要防潮, 防汗, 防曬!




今年未到雨季, 已經係咁落雨, 一唔落雨又鬼咁曬, 個春天都唔知去左邊.... ....


成塊面一洗完, 再上完粉, 唔洗一陣已經黏住黏住, 有太陽仲慘, 面上面有汗又有油... ...



 
Clinique 知道香港嘅天氣出現變化,
 
最新新出左, Even Better系列, 勻淨科研亮澤粉餅SPF 25/PA+++,
 
除左有防汗及防潮功能, 仲可以預防個妝變暗啞。




呢個粉餅仲有醫生研製, 加左獨有淡斑技術, 真係一邊化妝, 一邊護膚！
 
鏡面設計的粉盒, 除左靚靚外, 仲可以方便補妝, 唔使打開粉盒！
 
但俾我發現左, 原本佢保護力超強, 我成個粉盒跌係雲石地,
 
但係都竟然冇事, 有片為證︰
 



~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


勻淨科研亮澤粉餅 SPF 25/PA+++ 特點:



1. 高效淡斑配方　　
勻淨科研專利的淡斑及勻淨膚色功效, 可以做到均勻完美妝容。


2.「蜜粉懸浮科技」
粉餅所含的蜜粉懸浮在幼滑乳霜中, 除左均勻膚色, 遮瑕功效, 仲令皮膚有透明感的粧容之餘，亦具效果。


3.  SPF25/ PA+++　　
有效抵擋紫外線, 預防色素沉澱及膚色不均。


粉餅一共有10款不同色調, 可以配合唔同膚色  /  售價: HK$290 (粉芯) HK$100 (粉盒) 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

其實呢隻粉, 我一試, 就已經即刻入手,

因為你會好明顯 feel 到佢透薄, 輕身, 但貼面, 同有相當好的遮瑕,

你地下次經過, 可以去專門店試下, 我冇誇大！


由於我雀斑多, 我一般都費是遮瑕, 我寧願個妝薄D, 但呢隻竟然可以遮到40%,
對於我黎講, 已經好足夠~

如果我要好完美妝容, 我就會加粉底液同遮瑕, 咁就可以遮到80-90%喇！





*
連眼線筆咁深色都遮到, 真係冇老點你！
*
其實佢仲可以防潮, 我用水沖左隻手, 唔好捽佢, D粉都冇甩到！
 
真係防水架！
 
 
 
* 一面係上左粉, 你會見到上左粉個面影相冇咁浮腫,
 
黑眼圈位同虎紋都有淡左,
 
雀斑就更加啦,

*



************
上完妝後, 我會俾10個 LIKE 佢！我LIKE 原因:
************

- 因為佢好薄, 好輕, 好滑, 令你上左粉後毛孔都唔見左,

- 由於佢薄, 我都唔覺得有粉係面, 皮膚真係呼吸到！

- 佢好持久, 我化左4個鐘後, 有少少油, 用紙巾印左一印, 冇補妝就已經冇事.！

- 佢防水防汗, 我行到身水身汗, 印走D汗就得, 妝都冇溶

- 最後, 就係個粉盒好勁, 我之前另一牌子, 就係咁, 一跌就碎哂, 今次一D都冇碎, 好勁！

***********************************************************************



 

 
$290 + $100 可以有個方便又靚嘅樣,  WHY NOT?
 
我仲有段片介紹架, 支持下, 望下啦 (整左好耐架....)
.
.
 
 
VIDEO: http://youtu.be/7ObH4WYLpyQ
 
 
 
 
想知多D, 去:
www.facebook.com/siujslifeblog
 
Thanks, Twinkle C
 
訂閱: www.youtube.com/siujslife Thanks!!
 

Twinkle C 發表在 痞客邦 留言(0) 人氣()

▲top
點樣將BB Cream 變得又薄又貼服?

Twinkle C - Bio-essence BB Cream

.
 <<Video: http://youtu.be/GsUchOH2rwU. >>

.

BB cream hit 左好耐, 但係一提到 BB cream, 好多人都會聯想到 厚同難推... ...

但事實上 BB cream 又真係功能多多, 而且佢仲可以一邊護膚一邊遮瑕!

咁點算好呢, 到底點先可以令支 BB Cream 貼貼服服呢?

不如等我 Twinkle C 同大家講下啦!
.
.
.


.
Bio-essence BB Cream 出名就係人都知, 但佢到底點解咁受歡迎呢?
.
.

Bio-essence Bio Platinum BB Cream SPF 25/PA++:

佢有齊以下十大功效:

粉底、遮瑕、隔離紫外線、修護、控油、

滋潤、保濕、撫平細紋、含THANAKHA 樹皮精華可以美白、

豐富的草本&礦物質可以醒膚

佢真正做到同時護膚, 同時遮瑕的效果！
.
~
.



.
~
.
我問過身邊好多朋友, 原來都有同一個問題, 就係覺得BB cream 好厚好難推!

.
***其實有方法解決︰***

只要將平時用開嘅 day cream 混合 Bio-essence Bio Platinum BB Cream,

然後用拍打嘅手法,  輕力拍打上面, 快手嘅,

1分鐘已經可以將全塊面均勻咁拍哂 BB cream.
.
.
.


.
.
將平時 day cream 同 BB Cream 混合, 一來可以令 BB cream 溝薄,

二來又可以加強保濕度, 同時令 BB cream可以保持貼面！更實在！
.
~
.
用拍打手法, 就可以將 BB cream 逐少逐少咁搽上面,

因而避免係用手推開時, 將 BB cream 錯誤地加厚~
.
~
.



其實用開 bb cream 都會知道, bb cream 有一種特別功能, 就係自動調色~

只要搽完大約 2分鐘, 佢就會慢慢同頸位膚色拉近！

(當上完碎粉, 佢已經變得好自然)



.
~
.
如果你化呢個妝, 係需要last 4-5鐘以上, 咁你就要係面輕輕咁掃上一層碎粉！

因為碎粉可以定妝, 亦可以防止夏天天氣熱個時嘅面油！

呢個時候, 面色已經回復光彩, 如果想再精神 D,

只要加埋眼線, 少少胭脂同Mascara 就完全可以出街!


.
~
.
拍攝當日我出左街 10個鐘都冇溶妝！

雖然你仲見到我d 雀斑, 但以冇用遮瑕黎計, 呢個已經係 cover 得好好, 拍得住粉底！
.
~
.

 
.
~
.
睇下 before  同 after, 冇嚇親你丫嘛.... ... ha ha!
 
仲有一樣好重要, 佢賣$158, 30g, 真係買支試下都唔過份!
 
 

**************************** Twinkle C information ****************************

    

     Blogspot   |   Yahoo! Blog   |   The ztyle     |   Beauty Life   |
     She. com   |   Beauty exchange
     E-mail: leesiuj@gmail.com



Thank you for visiting, Twinkle C x Siu J. Full Time Beauty Blogger.

 
 
Twinkle c
 

Twinkle C 發表在 痞客邦 留言(0) 人氣()

▲top
快D去Apm 參與Clinique 免費化妝~
 
 有價值$300 禮品拎走架!
 
 
 
 
Clinique 係 20 同21日 係Apm 舉行最新眼影筆推廣會，
 
 
只要係指定時間內參與免費化妝服務，
 
完成後影張靚相再 upload 到facebook,
 
就可以免費得到 Clinique 價值$300嘅禮物。


得兩日咋, 大家快d 去喇!


***********************
如果想知多d, 請去

www.facebook.com/siujslifeblog

Thanks
Twinkle C












Twinkle C 發表在 痞客邦 留言(0) 人氣()

▲top
Twinkle C Makeup & Style:
 
甜美春妝變身Space Style!
 
 
.
全個妝都係自己化嘅, 我好鍾意個種COOL 嘅感覺,
 
我仍然, 冇用大眼大, 冇用假眼睫毛~
 
 
***********************************
 
其實重點係, 我今日係 CLINIQUE 化左一個甜美春妝,
 
返屋企食飯落妝前, 突然好想變妝,
 
就好簡單咁用左幾件工具, 用左15分鐘去變！
 



 
********************
.
其實我第一次化呢個妝, 但原來都幾易化~
 
大家下次係落妝前, 可以好似我咁,
 
大膽D試下化D激嘅妝~
 
... .. 化完唔好睇咪落左去,
 
可以有一個練習機會... ...
 
***********************
.


 
***************
 
其實個頭,
 
我只係用夾夾起佢.... ... 並冇特別 SET到... ...
 
***************
 

 
***************************
 
我只係用左係 SA SA 買嘅白色眼影筆, 同都係 SA SA 買嘅超濃黑色眼線,
 
加 she uemura 銀色眼色膏, 同 bobbi brown 黑色眼線膏....
 
真係就咁係咁簡單
 
***************************
 



 
********
 
俾張冇 PS 嘅相你地睇, 真係唔難化.
 
**********
 

 
**********
我冇用遮瑕, 所以見到黑眼圈同雀斑
*********
 
 
***************
嘩, 嘩, 嘩,
 
我原本今日就係化左呢個妝喇, 唔講你都唔認得我!
 
HA HA HA!
*****************
 
.
.
想知多D, 去我個PAGE 啦！
 
www.facebook.com/siujslifeblog
 
Thanks
Twinkle C
 
 

Twinkle C 發表在 痞客邦 留言(0) 人氣()

▲top
紅色EYELINE 遇上 深啡色EYELINE....



有冇想過, 到底眼線筆除左黑灰啡 3隻色外，點解仲要出咁多隻顏色???

我就成日問呢個問題, 但係問還問, 我都係女人, 女人買野唔需要任何理由,

最後我都係買左支紅色眼線筆！

.
.

今次等我試下加埋深啡眼線, 睇下會唔會有出人意表嘅效果先！




今次嘅主角, 一支紅色眼線, 同一支深啡眼線, 仲有玫瑰... ...




(1) 係呀, 呢個係我已經化左前半part, 上左粉底, 遮左瑕, 同埋係眼窩上左眼影,

然後就係先上深啡色眼線, 要有2mm粗到啦, 唔可以太幼




.

(2) 上完深啡色眼線之後就係上少少加紅色眼線, 都係要2mm粗, 不過都要睇眼形架,
.

(3) 之後就係下眼頭加少少白色閃眼影, 少少好喇, 佢會即時襯起紅色眼影.
.





.
(4) 用幼筆落少少黑色畫下眼線, 再拉去頭先白色眼頭

(5) 好喇, 夾埋眼睫毛, 搽埋mascara,

(6) 最後可以補多少少色上眼影位, 再blend 開佢. 搞掂.

***************************************************************************
.
.

我影d相冇辨法影到close up 有顏色嘅樣, 得d遠鏡,
.
不過其實只要係 sharp 眼線下加上深色眼線, 托起成個眼妝, 就可以好自然,
..
..
..

當然, 係 sharp 色同深色眼線之間要有交接位, 唔可以好似上顏色咁一下子由紅變啡,
.
即係要漸變, 咁先可以做到深邃嘅眼窩,
.
畫大對眼, 自然又精神, 唔洗用大眼仔, 又唔使用假眼睫毛啦!



***************************************************************************

 


.
.
我當日其實係去 Noveltylane.com 嘅春季發佈會呢~
.
.
 
想知多d就去:
 
www.facebook.com/siujslifeblog
 
Thanks
Twinkle C
 
 

Twinkle C 發表在 痞客邦 留言(0) 人氣()

▲top
.
.
 
****************************************

專業化妝師 Ming 誠邀 專業Blogger  - 
 
親自教授 Blogger應該要識的化妝班
 
***********************************************

專業化妝師 Ming 親自教授 Blogger，不能不懂的:  如何選擇化妝品。
一大堆的化妝品，應該點用，又可以點好好利用??
 
Ming 亦歡迎大家帶自己的化妝品來學習，不用浪費在家一堆堆的化妝品。

內容:
.
－ 妝前準備、化妝前護膚程序
－ 化妝步驟及技巧
－ 了解化妝品及工具的認識 


－ 自然透薄底妝，素造完美輪廓及五官
－ 妙用遮瑕方法，改善黑眼圈及眼袋問題

－ 自然有神的眼妝及畫眉技巧
－ 運用眼影、眼線、睫毛液等修改眼形
**************************************************************

 
作為Blogger 嘅我地, 日日都要不停自拍, 而家仲要拍片, 自己個樣隨時都會被刊登,
 
專業化妝師 Ming 知道 Twinkle 最新拍片有好多化妝嘅疑問,
 
而家特別開一個 Blogger 班, 特別教授我地點樣化個最自然嘅妝,
 
等我地可以有自信咁同大家介紹產品~
 
名額: 4個~
地點: 觀塘
日期暫定: 29 or 30/4 (會個別通知再適量)
 
請有興趣 Blogger 立即按以下指示報名參加!
 
***  活動完成後, 請於10日內將你的感覺以你專業的 Blogger 角度, 為大家介紹  ***
 
 
*****************************************************************
參加方法:
 
1. Like 專業化妝師 Ming Fans Page:  http://www.facebook.com/Sparkmakeupstylist
.
2. Like Twinke C Fans Pages (支持下啦): http://www.facebook.com/siujslifeblog
.
3. Like 呢個 Post, 並係 comment 留下你的 BLOG link, BLOG name, FB name
 
BLOG name: Twinkle C
BLOG link: www.twinklec.theztyle.com
FB name: Lee Siu J
 
*****************************************************************
 
Deadline for apply: 23/4/2013 18:00pm
專業化妝師 Ming 將會通知獲選的 BLOGGER!

 
*有關 Ming 的資料, 可以到他的專頁內看到 * 
*****************************************************************

 
多謝大家支持~
 Twinkle 可以同大家一齊學專業化妝, 好開心呢!
到時見!
 
*****************************************************************

Twinkle C 發表在 痞客邦 留言(0) 人氣()

▲top
.
.
.
 
 
 
Red Lips in Dr martens ! - Twinkle C
.
 
I like to make it FRESH!
 







 
an old Special edition, nt 2013 la.
 
 
If you want to know more, pls visit:
 
 
Twinkle C
Thanks!

Twinkle C 發表在 痞客邦 留言(0) 人氣()

▲top

REVLON

甲油以外, 另一可選之作

ColorStay™ 持久無瑕水潤粉底液 24 HOURS



咁耐以黎, 我都只係接觸 REVLON甲油, 色多又快乾,
而且係合理價錢, 絕對係我不二之選!




但今次接觸過ColorStay™ 持久無瑕水潤粉底液之後, 我的確對佢改觀左。


我以用家身份, 買粉底, 我一般會睇以下幾項:. 價錢 / 質地 / 控油 / 持久





我簡單D講下 REVLON ColorStay係咪真係咁好:


1. 價錢:   HKD158 粉底液黎講佢真係算平

2. 質地:    佢係好薄身, 你試上手已經FEEL到

3. 控油:    我試左5日, 試過普遍出街,
                亦試過化住妝煮飯煎魚,
                煮完之後都只係有好少嘅油光

4. 持久:    化左12小時, 佢冇變喑啞,
                  好似煮完飯, 用紙巾印走左D油, 佢都冇變色~



~      ~      ~      ~      ~      ~      ~      ~    ~        ~           ~            ~           ~

Video 有片架.. . . .. .

今次應 REVLON 要求, 認認真真咁拍左片,

由於唔係好識EDIT, 希望大家收貨~

成個過程我都拍哂, 仲好DETAILS, 所以條片就長D, 有6分鐘,

趕時間就飛黎睇啦! 

 (唔知點解有時SERACH 唔到, 請打 " TWINKLE C " 搵下)

http://youtu.be/-nxq_EP7lWI


THANK YOU!

~     ~     ~       ~       ~       ~      ~           ~       ~         ~        ~




佢今次加強設計, 終於用左pump裝, 容易控制份量~

由於佢好易推開, 如果只係一般日常淡妝,
 
用完粉底液再加埋眼線同 mascara 同胭脂已經夠哂喇~





 
 
我以一PUNMP 嘅份量, 日妝上粉其實只需要用到半PUMP,
 
咁下次記住可以唧少D, 唔洗浪費!
 
唔好漏髮線同耳背!




 
 
其實 revlon colorstay 個粉已經係薄,
 
你會見到我d雀斑都仲明顯見到，要遮就可能要用 concealer 喇~

大家上粉個時, 記得最後要拖粉, 就唔怕上粉會上厚左, 嚇死人喇!

 
 


 
 
 
 
 
 
 
好老實, 我真係覺得佢唔錯,
 
唯一問題係 粉底顏色得4個, 對於香港女仔黎講未必夠,
 
可能要配多支自溝色, 好似我咁,
 
 
 
 
 
我唔曬就係好白, 一到夏天曬太陽去旅行玩, 就一定會黑~
 
除左呢個問題外, 我暫時嘅問題就係擔心條片play 唔到喇！~
 
 
 
 
 
*******************************
 
如果有其他問題, 請去:
 
Thanks!
Twinkle C
 
 

Twinkle C 發表在 痞客邦 留言(0) 人氣()

▲top
Estée Lauder - Futurist修護粉底
 
 
由於我尋日先有機會換sample，
 
 
本來無心安排今日 試呢隻粉底。
 
 
 
 
不過基於尋晚打機打到零晨05:00,
今日出街之前望左一望鏡，一對黑眼圈，加上無訓嘅水腫感覺，
決定今日就試用呢隻 Estée Lauder - Futurist修護粉底。
 
 
時間比較趕急下, 未有影得好清楚嘅 BEFORE / AFTER 相, 大家唯有睇片。


 
 
由於趕住出街，我並未有好close up 咁影before after,
 
不過係片中其實已經睇到用左Estée Lauder - Futurist修護粉底後,
皮膚顏色明顯均勻左, 亦都有光澤左。
 
 
 
同埋今次我刻意推到好薄, 所以遮霞亦因此而減低左,
但如果只要係重點位置加厚少少,
其實唔再加 concealer 都應該冇問題 ~
 
 
 
當然黑眼圈就點都要用concealer 先可以完全遮蓋啦~
 
 
 
今次我只係上粉前用泉水噴霧噴左塊面，
但上粉後完全唔覺任何乾嘅感覺，
但就可以將面上通宵枯黃感覺一掃而空，
只係用左一個兩毫子份量，已經足以應付原來嘅通宵妝容。
 
 
讚!
 
 
 
後話, 我用左4個小時後, 影左張相, 其實都冇出油,
直到晚上9點, 大約 7小時後,
面色開始有暗啞, 同出左少少油,
但整個狀態係我完全冇補妝嘅~ 
 
 
其實情況係可以接受架~







 
IF YOU WANT TO KNOW MORE,
PLS VISIT:
 
HTTP://www.facebook.com/siujslifeblog
 
Thanks
Twinkle C
 

Twinkle C 發表在 痞客邦 留言(0) 人氣()

▲top
5分鐘快速超級淡妝示範



星期日，皮膚休息日，
但係又想望落精神d?



- 礦物碎粉
- 胭脂
- 眼線
- 睫毛液
- 保濕SPRAY
5件女仔必備小寶貝
 
 


不防試下呢個5分鐘快速淡妝!http://youtu.be/9LVYcfm791M
 
 

 

 
 
有問題可以揾我.
www.facebook.com/siujslifeblog

Thanks
Twinkle C

Twinkle C 發表在 痞客邦 留言(0) 人氣()

▲top
Maybelline NEW YORK x Lashionista
要纖長 又要溫水落妝之選


 
之前應承左大家, 會同大家講返呢支 LASHIONISTA ~
 
我返黎香港後, 第1時間就打呢篇野喇！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

係同大家講 LASHIONISTA 嘅資料前，俾條片大家睇下先:

http://youtu.be/gRJenRMXCik


佢係我用單手搽嘅效果，我事先亦冇用任何夾或熱力令睫毛鬈曲~

片中，我只係用左少少秘技:

(1) 搽睫毛要冇鄒紋, TIPS 係好似我咁望鏡, 你地睇會少少奇怪, 但自己望係OK 嘅~

(2) 係MAKE SURE支掃沾有睫毛液 (新用個時比較少呢個問題, 用耐左就會出現呢個問題)

(3) 我一般會掃2層, 第一層會好快手咁由睫毛底部向上掃

(4) 等幾秒, 就掃第2層, 要令佢鬈曲, 就要係底部停3-5秒, 再慢慢向上拉


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

由於我D睫毛係屬於濃密同長嘅,
 
所以掃2層我已經覺得足夠喇,
 
如果有姊妹睫毛比較稀疏,
 
可以重覆呢個步驟, 搽3-4層,
 
應該效果會比較出 ~



LASHIONISTA GOES UP 後 STAYS UP!

~ 佢有4mm 激長纖維, 係個掃都已經見到一條條幼細纖維, 佢有延長睫毛功能, 但唔會令睫毛一舊舊,

~ 佢質地比較薄身, 除左幾秒就乾之外, 仲有就係冇咁易因為重身而跌落黎

~ 6個角度的扭曲刷頭, 可以增加mascara 同睫毛嘅接觸點, 即係易d刷上每一根睫毛

~ 最後就係溫水即落配方, 唔需要用油先落到, 方便我地化淡妝嘅女仔



我知道好多女仔都做唔到唔夾都有的髦曲效果,
 
其實真係要係底部 hold 一hold, 等一等,
 
再掃上去, 然後重覆幾次,
 
成個過程 1 分鐘都唔洗~
 
 
如果要重點延長, 就要make sure 每一層都乾左, 先再掃第2層,
 
一般 2-3層已經有延長效果~

 
記住呢支係纖長+延長嘅睫毛, 唔係濃密效果,
 
如果要做到濃密效果,
 
就要用多少少時間, 要 zig zag 手勢, 再係睫毛底部,
 
同中部都 hold 一 hold,
 
重覆 3-4次, 先會有濃密效果~



成支 LASHIONISTA, 我最BUY 係佢平價錢 $119, 但有ABOVE AVG 嘅效果,
去旅行帶呢支就最方便~

因為佢可以溫水落妝~

 
** 俾多個TIPS 大家, 如果大家有眼油問題,
 
其實最好選用溫水落妝嘅 MASCARA, 因為即使佢遇上面油同眼油,
 
佢都冇咁易暈染, 只有溫水先會令佢一粒粒咁落妝 **
 
 
 
 
 
If you want to know more,
pls visit:
http://www.facebook.com/siujslifeblog
 
Thanks
 
Twinkle C
 
 
 

Twinkle C 發表在 痞客邦 留言(0) 人氣()

▲top
Bobbi Brown 新春夏 Fresh from the Runway ~

全新 Lilac Rose Collection


專人教你點樣handle 粉紅粉紫，香港女仔最怕嘅顏色~



我約左Bobbie Brown, 幫大家試下應該點樣用呢個最新系列,

你都想試下, 就快D打去BOOK個時間啦~

If u want to know more,
Pls visit: www.facebook.com/siujslifeblog

Thanks!
Twinkle C





Twinkle C 發表在 痞客邦 留言(0) 人氣()

▲top
Majolica majorca
 
MJ Cream Pencil Liner -

Smoky eye 好幫手

其實我對眼真係唔算油, 10支eye liner 7支都唔會化... ... 今次遇上第8支... ..

今次MJ推出Cream Pencil Liner 主打防油防淚水, 持久不溶妝~

我問個SALES 係咪防水, 佢好大聲同我講係防水... ... ... ...
 
 
(包裝面) 濃黑- 持久不溶妝
 
 
 

(包裝內頁) 其實佢除左今次試用嘅 柔滑霜狀眼線筆, 佢仲有啫哩眼線筆, 同眼線液,
都係強調持久不脫色, 而且內附$20 COUPON, 係就係細心嘅~
 
 
(包裝背頁: 附有簡單教學, 即使新手, 都應該可以畫到大眼效果，呢個要讚揚)



(柔滑霜狀眼線筆: 安排了一支約6-7cm 長的試用裝, 仲俾埋筆蓋, 都幾好.)


(柔滑霜狀眼線筆: 安排了一支約6-7cm 長的試用裝, 仲俾埋筆蓋, 都幾好.)

試畫: 
 
- 好柔順, 真係好易推, 輕輕力已經上到好濃的深黑色
- 由於筆型比較粗, 畫一下已經有好明顯效果, 化淡妝的日子未必適合
- 用筆頭輕力點幾下, 己經可以填補睫毛之間的空位
畫完之後, 試持久:

- 我用了另一乃水牌子的眼線筆做對比, 用紙巾拭擦10秒

明顯見到 Majolica majorca 眼線已經化開, 紙巾上亦明顯有黑色眼線留下.
 
之後再用手指, 拭擦10秒, Majolica majorca 眼線已經脫妝, 得返個印... ...



當日我用左佢畫左上下眼線出街, 由於太濃黑, 當日化淡妝嘅我就唔太自然,
初初2小時都冇太特別溶妝, 但到食完個飯, 之後就發見眼肚位有黑忟忟情況,
上眼皮都開始化開, 感覺唔乾淨 ... ...

如果佢冇講明係防水防油, 我就覺得呢個效果係okay嘅, 但如果佢強調佢持久不溶妝,
我就會覺得效果強差人意... ...

但如果我係要化一個好濃嘅smokey eye, 我就會用佢做最後個層eye liner 勾返條線,
夠深夠易推, 加上有個厚妝係底, 眼線化開嘅情況應該冇咁嚴重,
可惜 party 完哂, 要到情人節先有機會用佢化個濃嘅妝. !


如果想知多d, 去我個page 啦~www.facebook.com/siujslifeblog

THANSK!

Twinkle C 發表在 痞客邦 留言(0) 人氣()

▲top
YSL 終於推出旅行化妝小寶盒

有齊眼影，
胭脂，
唇膏~

顏色都係以基本色作調配，
相信應該能夠應付一般的日妝同晚妝，
售價都只係$4xx!

由今日起，
係CX 同KA嘅飛機上就可以買到，
以後去周圍飛都唔洗怕，
帶定呢盒palette係身就萬無一失啦!

想知多d, www.facebook.com/siujslifeblog


Twinkle C 發表在 痞客邦 留言(0) 人氣()

▲top

Bobbi Brown 絕密倒數party 妝
由於今晚會去一個意大利餐廳 Assagia ~ COUNT DOWN PARTY~


我之前特別去左 Bobbi brown 搵個專業化妝師教我化個易handle 嘅 party 妝~
 主角就係呢盒: Black PearlEye Shadow Palette $550入面有齊6隻色:

(1) White/ eye shadow                         (2) Tin/ metallic eye shadow
(3) Black Velvet/ Sparkle eye shadow     (4) Oyster Grey/ Shimmer Wash Eye Shadow
(5) Grey Denim/ Eye Shadow                    (6) Charcoal/ Eye Shadow


ELLA 教我, 以下眼妝20 分鐘內可以搞掂 ~

Step (1): 用GREY DENIM 係眼窩打陰影, 成個眼蓋都要打,
呢個 STEP 令個眼位凹下, 之後就唔怕浮腫喇~



STEP (2): 就係頭先眼窩相同位置, 用 TIN COLOR 上一層色, 做個BASE 暗閃




STEP (3): 用BLACK VELVET 係雙眼皮位置, 深D咁上一層, 拉到去眼尾,
再用個鬆頭掃BLEND 返鬆佢. 之後對眼已經明顯大左.

BLACK VELVET 其實係深紫, 但佢化出黎只係好少紫色, 返而似深灰帶暗閃~

如果想紫D 就要攞多D色, 上多一層



STEP (4): 之後就係要係成個眼窩位上一個好SPARKLE 嘅銀粉, 由雙眼皮上面開始掃, 基本一下都已經好閃, 佢令到你係PARTY 入面, D燈打落黎對眼會閃下閃下咁~

然後用CHARCOAL 畫眼線, 當然長D對眼會大D啦, 不過都唔好長過D 眼睫毛 (正面望個時), 如果你有用假睫毛就可以畫長D喇, 如果唔係就TOO MUCH 嫁喇~~

想眼線畫得實D, 可以用眼線GEL,  不過都可以加少少水係個掃到, 濕畫眼線, 就會持久D喇!!

STEP (5): 呢個時間上眼皮已經完成, 而家到下眼部份。

記得, TIPS 係整好哂上眼皮, 先好係下眼位置處理遮霞, 我今次就用左新個隻 TINTED EYE BRIGHTENER, 原來佢用手指推2下, 就已經得, 好水狀, 好易推, 之後就係個眼位置印返高光乾粉, 定返個妝。

而家先遮霞, 可以清理埋頭先處理上眼皮時跌落眼肚嘅 EYE SHADOW垃圾, 咁樣下眼就唔會好污糟咁~

處理完遮霞, 就用BLACK VELVET 係下眼畫條2mm 粗眼影眼線, 呼應返上眼皮個色,
如果想對眼D大, 係下眼皮眼尾位置加少少 CHARCOAL~



STEP (6): 成對眼已經完成, 想對眼再立體D, 可以係眉骨位置用少少WHITE 打少少光。

就咁就搞掂, 真人個妝係好閃, 但影相就唔覺得閃, 個日我化住呢個妝仲係海港成行左成日街~~


ELLA LAM 係海港城 - LANE CRAWFORD 入面嫁, 係佢教識我化妝嫁,
好似我咁, 搵佢教我化, 都係$300 一堂, 之後可以全數用返黎買野,
佢會好細心咁教你, 化完一隻眼, 就會叫你自己試下化另一隻眼,
唔識就教到你識, 唔係隨幾句就叫教完你, 差唔多都要45 mins 嫁~

大家有興趣就搵佢啦~ 不過一定要預約, 佢好爆嫁. !

ELLA - 23760331



Twinkle C 發表在 痞客邦 留言(0) 人氣()

▲top

眉清目"瘦" ???

自古D人已經有先知... ...

眉清原來唔係目秀, 係目"瘦" ... ...

自從上年訂婚 PARTY 開始, 我一直都有修眉嘅習慣,
慢慢先發現原來修好條眉, 可以令人望落去塊面瘦D,
原因係尾型的粗幼, 同角度彎度, 會影響面型嘅視覺效果~~
我呢一年, 一直都係搵Bobbi Brown -  ELLA 幫我修眉, ELLA 教識我分眉頭, 眉山, 同眉尾嘅比例, 每次修眉之前, 佢都會問下我:
你今次想要咩 LOOK 呀?
好似訂婚同擺酒個時, 就會修幼少少, 預番俾化妝師同我畫眉, 如果平時我就會留返粗, 修返個角, COOL D, 型D,

一來呢幾年一直都興粗眉, 二來有個角SHARP D, 雖然真係會望落惡D,
但同時塊面睇落去會變瘦D, 所以我一直都偏向呢款眉,

有試過一次, 刻意修圓少少, 係就係會塊面闊D, 但老公話可愛左, 溫柔左, 
不過始終唔係我 STYLE~~~.

其實以前我都試過好多個修眉師, 但我始終都係鍾意搵 ELLA,
因為佢真係會問清楚你想要咩效果,
佢會同你講你條尾本身有咩問題,
應該要點樣就返先會好睇,
講清楚哂先開始幫你修,



佢真係會逐PART逐PART度咁同你修,
唔會問都唔問你就幫你決定, 然後修完先同你講你修眉有咩問題~~~

不過, 搵 ELLA修眉一定要 BOOKING, 佢好多熟客,
由九龍糖跟佢調鋪去 TIMESQUARE, 再去廣東道,
佢調去邊都跟住佢, 唔 BOOK就多數都唔得閒~~

同埋佢真係太細心去幫你修眉, 你真係要預25分鐘時間俾佢,
特別係第1次搵佢修, 因為佢會問多你幾條問題,
了解你想要D咩先會開始修嫁~~~
前前後後我都介紹過幾個朋友搵佢,
有冇試過俾美容院D姐姐 "錯手" 幫你修多左一行眉毛?

不如搵個專業少少嘅修眉師啦~ 都係 $1XX 一次!
佢而家係廣東道LANE CRAWFORD 入面, 搵佢要打: 2376 0331, ELLA LAM~~

如果想知多D資料, 可以去:
www.facebook.com/siujslifeblog
 






Twinkle C 發表在 痞客邦 留言(0) 人氣()

▲top
~ PARTY HAIR ~
 
呢晚我要去洲際食飯, 所以就要用少少心思打扮下,
由於太趕, 我決定用個淡妝然後SET返個頭就算,

個晚我著左件米黃復古LACE衫,
所以就唔可以太WILD,
要斯文D.... ...

其實要扎呢個頭係好易,
只係用左15分鐘就扎好喇,
因為我冇TONG 到髮~~

(1) 其實先將頂頂個扎陰分出來, 然後好鬆咁扎(扭邊), 用CLIP PIN 好佢.

(2) 然後將其餘頭髮上下分2 PARTS,紜UPPER PART 再扎 (扭邊), 中間將頂部D陰個條邊都加入去, 一齊扎

(3) 由於最後我想佢側係右邊, 所以我扎LOWER PART個時會將對對放係右邊咁扎, 條邊FINAL會走係右邊,

(4)但我底部頭痛髮比較碎, 所以我會先係LOWER PART嘅左邊耳仔位開始扎2條0.5CM 粗嘅扭邊,

(5)最後就係將所有頭髮一齊係加手邊扎扭邊, 包括剛才的2條小扭邊......

噴SPRAY, 搞掂!



想知多D, 去我個PAGE 啦, www.facebook.com./sujslifeblog

THANKs!






Twinkle C 發表在 痞客邦 留言(0) 人氣()

▲top
話說我個朋友去完印度返黎，
佢話有手信俾我，
我仲以為係條咩毛scarf之際........

原來係佢買左支maybelline the magnum volum express,
即係黃色好肥個支，搽完會超濃密個隻呢.…

 
我正想開口問佢，點解要買呢支俾我做手信之際，
佢仲快過我話: $4x蚊，係咪好扺先！

咁四十幾蚊又真係好扺，無理由唔買，但用佢黎做手信，都應該只有佢先會囉~

至於點解印度買maybelline 會平香港一半我就唔知，
不過泰國都平香港10%啦，平一半都唔奇嘅~

下次去印度，等我買哂成條line返黎做手信，應該會平過過千蚊嘅咩毛scarf~~

^^^^^^^^^^^^^^^^^^
想知更多，可以去我個page, 而家仲有送大禮添!



Twinkle C 發表在 痞客邦 留言(0) 人氣()

▲top
Party 前席,
我身邊朋友都有討論打botox呢個topic......



不過姊妹們,
botox 都要3個月先見效,
唔係即刻嫁喎, 有冇做research 先?

要即刻好瘦就冇咩可能嫁喇, 要持之以恆,
俾少少耐性, 10日8日都會幫到你嘅~~


如果有爬開我d文嘅, 都知道, 之前我提過,



為左之前嘅訂婚PARTY, 婚紗相, 註冊同擺酒,
我四出搵小臉法, 結果俾我揾到瘦臉3寶:
(1) CUTEY UP RF機
(2) Oregon platinum beauty roller
(3) 最後就係呢支 - Panasonic EH-SP30 修面器


我今想講嘅, 係專為懶人而設:

** 只需 3分鐘

** 不需任何護膚品

** 手不會累 (用Oregon platinum beauty roller隻手會超累嫁.)

** 差電手提, 一面ROLL一面換衫
- Panasonic EH-SP30 纖面機 $1480

首先, 你鍾唔鍾意人手按面先? 鍾唔鍾意人手通面部淋巴?






佢個原理同人手通面部淋巴有D相似, 不過佢係用
『- 金屬及矽膠混合滾輪 -』

快速交替轉動, 做出有規律的振動, 從而促進臉部肌肉運動~
佢轉動程式係好似人手的拍打滾動嘅手感,
可以即時去水腫同提升輪廓!

基本上佢有3個按摩速度選擇,
但我個人係受力嘅, 只會用快速MODE (趕時間嘛)
佢個按摩頭係浮動設計, 可以放係面上好多位置都ROLL到.
********************************
按摩方法:
其實跟機已經會有一份說明書教你點用,
不過初上手嘅人會就唔到個度力, 會好大力按壓而覺得好痛.

呢度我POST 左D圖,
我平時都只會按呢幾個位,
每個位20-30秒,
是乎你有冇時間啦.

最重要位置係 <>個個位置, 一定要按, 去水靠呢個位,
面嘅部位, 全部 <>嘅方向,
頸旁淋巴位要輕輕力向下,
雙下巴位就向上
有個位, 我會按, 不過說明書冇叫嫁, 你自己諗按唔按,
就係個 !! 鼻翼 !! ,
我會HOLD 住係鼻翼用向內嘅方向按,
目的係 <>,
有冇用我唔知,
不過按完都舒服嘅~~


********************************************

以下 POINTS 要記住:
(1) 唔好用佢按有骨的地方, 如額頭, 權骨等.
(2) 唔好搽左野先按, 要掉轉, 按完先搽, 會比平時吸引
(3) 唔好用死力去按, 其實只係需要HOLD住佢係面, 好輕微咁移動已經可以喇.
(4) 按摩頭要每星期清洗, 吹乾先好收埋.
(5) 唔好跌部機, 金屬頭唔跌得

KEEP住做10日8 日係就會知佢有幾好.
<< 其實係我結婚出門個日,
我前一晚飲左香檳, 成3點先訓,
個晚我做完 HITACHI 就做EH-SP30,
個朝要5:30起身,
我梳洗完就做多次 HITACHI 同 EH-SP30,
當日我完全冇眼腫, 冇水腫, 仲好上妝,
自此我 D姊姊都話佢堅 WORK.! >>

^^^^^^^^^^^^^^^^^^^^^^^^^^^^^^^^^^^^^^^^^^^^^
如果寫得好, 就去LIKE 下我個PAGE 啦, 我要你地嘅支持呀~~

仲搞緊抽獎送耳環添呀.
www.facebook.com/siujslifeblog

Twinkle C 發表在 痞客邦 留言(0) 人氣()

▲top
«123 4

Twinkle C 星空中的美麗小魔法 (HK) 我希望每個女孩，都能夠從星空中發光發亮 我的分享中，包括了隨著潮流而改變的打扮, 當季流行的化妝, 當然亦會有我多年累積而來的護膚經驗，以及一直被大家追蹤的美容儀分享。 而然，美容界的盛事亦少不了~ 雖然我以美容護膚為主導，但杯中物，賽車，各地美食等事我亦相當關心，你會想知道多一點點嗎?