目前日期文章:201303 (19)

瀏覽方式: 標題列表 簡短摘要
我遲來的honey moon~

但我將架ATV upside down 了,

受傷了,但仍然好sweet~


相信短期都不能跳舞了~









Twinkle C 發表在 痞客邦 PIXNET 留言(0) 人氣()

聽朝一早上機了
 
 
成日飛, 本來唔應該緊張,
 
但今次係同老公結婚後第一次一齊去旅行....
 
算唔算HONEY MOON 呢.......
 
 
我心情... 有D緊張.... 泳衣都帶左4套...........
 
仲搽埋指甲油......
 
 
其實好興奮~


 
If you want to know more,
 
pls visit:
 
Thanks
 
Twinkle C

Twinkle C 發表在 痞客邦 PIXNET 留言(0) 人氣()

多謝FION 的INVITATION,
 
我先有機會參與呢個

MAYBELLINE PINK PARTY!

 
 
當日Maybelline NEW YORK book 左銅鑼灣嘅 Shelter,
包左全場舉行呢個shocking pink party!
 
 


四周圖都佈置左粉紅色同黑色嘅野,
當然唔少得有 Maybelline 最新嘅 Lashionista mascara!
 
大會除左安排左每人一支 Lashionista ,
仲有特別為今次而製嘅粉紅色clutch bag!
連個紙袋都用埋同一隻色
~ 襯到絕~
 



場內仲發現左一支大型Lashionista ,仲有粉紅裙同手袋,
有道具就當然唔少得即影即有相機啦!
 
 
大家都排住隊影,仲講明有無限菲林,唔洗爭!
原來Maybelline 都幾大方喎~



雖然之前FB 冇講到會有野食提供,
但原來大會一早已經準備左好好味嘅 LUNCH BUFFET~

我話好味有原因,因為佢有我最愛嘅雞翼同三文魚~

 

佢就係FION喇, 就係因為佢帶我, 我先有機會黎咋~
 四圍都有氣球, 最後D氣球仲俾我地拎走埋!
 

今次 Party 係由 Kenny 做主持,佢幫大家搵黎幾位嘉賓,
教大家美容化妝小TIPS,同埋2013 SS 配搭嘅小技巧~

 

成個party 嘅主角就係LASHIONISTA, 當然需要由性感Ah Ana 為大家介紹
呢支最新獨家研創嘅 激長鬈翹美睫液!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

GOES UP & STATYS UP!

簡單D講

就係佢有4mm激長纖維 - 令美睫延長
同時 以超輕盈配方- 令美睫24小時持久

+

6個角度刷頭 - 體貼每一條睫毛
溫水洗淨配方 - 防暈染效果

price:$119 only!!!

~~~~~~~~~~~~~~~~~~~~~~~~~~~~~~~~~~~~
 

之後就請左大佬B黎,
教大家點樣先可以令呢隻纖長MASCARA 做到濃密效果~


大佬B教完我地,當然就係到我地自己試上眼嘅時間啦~

FION仲除埋對假眼睫毛黎試,佢真係誠意十足!
 


呢個就係我試完之後影嘅,唔清楚,產品詳情請睇產品試用文~
(2/4 上影)
 

個個女仔都有認真咁試~
 由於我係MASCARA 熟手,
我三兩下就搽完 lu~
 

我一直都好想買一張咁樣嘅化妝枱返屋企,
不過由於我太多化妝品嘅情況底下~
呢張枱應該唔夠放,所以冇買!


之後仲有形象顧問 Cindy 教大家著衫之道~ imprint 絲襪應該點carry?

Cindy 一一同大家解答!


Cindy 即場挑選左3個著得最有style嘅女仔出黎,
係呀,你冇睇錯,我都有份呀~

黑色shirt + shocking pick 裙個個就係我喇~ :)
 


走之前大家都不停影相,我都同左 Kenny影左張~
 

唔少得一張大合照啦~!

 
大家走嘅時間,仲有一份禮品,原來係 CINDY 為大家準備嘅小飾物,
我個份係戒指,簡單但係都幾特別~
 
 
 
唔知下次會係咩 THEME 呢?
 
If you want to know more, pls visit:
Twinkle C
 
 
Thanks: Maybelline NEW YORK/ Kenny / Anastasia/ Bianca/ Cindy/ Bren



Twinkle C 發表在 痞客邦 PIXNET 留言(0) 人氣()



唔知大家仲記唔記得2012年
係中環城展館的「獨特的香港縮影」展覽?
 
 

係有心人刻意的安排下,
終於成功安排了今次位於青衣城2013港、台兩岸的微型藝術展,
一次過展出超過50件展品!
 
 

提到微型展,我地一般常見都係車仔檔,
而今次青衣城舉辦的是一個令人耳目一新嘅主題 ~ 香港「節日」!
 
 
 

將大坑舞火龍、搶包山、許願樹、打小人、戲棚等香港獨有的經典情境,
一一縮細呈見係眼前。
 
 
 
至於台灣藝術家,同時將香港人熟悉的士林夜巿,
平溪天燈等,搬到香港。
 
 

青衣城「祝節盛會」將於本星期四正式開幕,
免費開放俾公眾參觀。
 
 
 
係有份參與製作的李小姐安排下,
Twinkle 有幸可以提前參觀,
為大家率先介紹各個精緻展品!
























































 










係較早時間,我亦誠邀左 微型情景組員李小姐做左一個好簡單嘅訪問,
如果大家對微型有濃厚興趣,大家就要留意住我嘅報導喇!
 
 
if you want to know more:
 
 
Twinkle C
 
**多謝李小姐的細心安排**
~~~~~~~~~~~~~~~~~~~~~~~~~~~~~~~~~

今日最新的消息是: 大型花牌同打小人道具都分別拆走同搬走了......
原因是... 青衣城有市民投訢........

唉.... 香港, 就係連一丁點的藝術空間都沒有了....

我不失望, 是心痛
!!!


Twinkle C 發表在 痞客邦 PIXNET 留言(0) 人氣()

Siu j feels up sad these days

Twinkle C 發表在 痞客邦 PIXNET 留言(0) 人氣()

呢幾日到底係凍定係熱呢?
 
 
你出街有冇帶外套?
 
 
而家D天氣,溫差太大,今日我要去長沙灣換REVLOV 粉底,
但又怕今晚返屋企凍~
 
最後我選擇左背心打底,長裙,再加件薄料皮褸同DR MARTENS~
 
 

 
結果下午係長沙灣幸福街行到出哂汗~ 要除左件皮褸~
 
到我7點返屋企冇太陽個時,又凍返,要著返件皮褸~
 





 
if you want to know more, pls visit:
 
 
thanks!
 
Twinkle C

Twinkle C 發表在 痞客邦 PIXNET 留言(0) 人氣()

~我會好幸福,因為我係幸福街~
 
如果你要幸福,
除左要伸出雙手,
你仲要先覺得自己好幸福,
 
慢慢你會發現,原來自己真係好幸福~
 
唔係心理學, 亦唔係催眠學, 只係最簡單嘅道理!


 
想知多D, pls visit:
 
 
thanks!
 
Twinkle C

Twinkle C 發表在 痞客邦 PIXNET 留言(0) 人氣()

 
甜美的粉紅色,係我最愛的顏色,
 
就算你個日有幾唔開心, 著完之後都會覺得成個人開心返~ 
 
 
 
 
 
我老公成日問我, 點解D衫放到一堆堆, 唔放埋一齊,
 
我話佢知:
 
女人著衫要睇心情,除左長袖同短袖,唔同顏色外,仲有分
 
開心衫,唔開心衫,莊重衫,戰鬥衫 ... ...
 
同女仔朋友去街衫,同男仔朋友去街衫... ...
 
平衫,貴衫,上季衫,今季衫... ...
 
聽完之後,佢話佢以後都係唔掂我D衫... ...
 
 
 

 
想知多D, 請去:
 
 
Thanks!
Twinkle C

Twinkle C 發表在 痞客邦 PIXNET 留言(0) 人氣()


Lavera 有機野玫瑰 SPA 套裝 
-
Rose Garden Spa Set (shower gel & body lotion)
 
有機產品有幾好你未必知,但係德國造嘅產品,出名有保證,
特別係德國嘅有機產品,
好多大肚媽媽都會選擇 Lavera,
一於等我為各位姊妹試下佢啦!
 
 
 
 
 
Lavera 產品中,有3個保證:
 
1. 全天然成份同有機認證的植物製造
2. 全個製造過程均係德國
3. 不含 paraben, silicone & paraffin (令皮膚敏感的主要因素)


首先當然係用shower gel啦,一唧出黎,係比較水狀,
透明嘅,冇色素成份,唔知大家慣唔慣呢?
 
合埋雙眼,感受下,又真係好香嘅玫瑰味(唔係假嘅廁所玫瑰味喎!) 係玫瑰香油嘅味道!
 

好,試落隻腳到,由於佢絕少化學成份,所以係唔會好多泡泡嘅,
但我用左少少已經夠洗一隻腳,相信一個1蚊已經夠沖涼喇!
 

 
推左一陣就沖水喇,由於冇泡泡嘅化學野,沖完水都冇個種好乾身嘅感覺,
反而覺得好似有一層薄膜包住左隻腳!
 
可能男士未必可以習慣呢種感覺喇!女士慢慢應該可以接受嘅~
 

第2步,當然係用body lotion啦! 原來body lotion 仲香,陣玫瑰味仲濃!
body lotion 都係白色,冇特別加到其他顏色,夠天然,我buy喎!
 

Lavera ROSE GAREN body lotion唧出黎似係好稀身,但係推落原來都要少少時間!
 
我推頭幾下都仍然有白色嘅狀況,要推多十幾秒,就變做透明喇!
 
搽完個時,皮膚面會有d好細好細嘅水珠,等一等就吸收左喇!
 
 


 
我有一個習慣,搽完任何body lotion,我都會按一按,用手指加少少力度,
慢慢咁由下以上,向心臟方向按壓,大約1分鐘咁,對腳會得以舒緩!


按完腳肚,唔好忘記按壓膝蓋後面的淋巴位,加少少力,會有少少酸痛,
都係正常嘅,用力按8-10秒後,放手!放手個一下會好舒服架!
 
 我成日跳舞,對腳有靜脈曲張,我自己成日都要咁樣按先唔會抽筋!
 
 
平時我真係比較少用有機產品,不過自從結婚後,都聽到好多朋友話要轉用有機嘅野,
因為有機產品對bb對孕婦嘅傷害係最低,所以我都留意多左!
 
試用完Lavera  有機野玫瑰 SPA 套裝發現佢真係比較少化學成份,
用完d皮膚唔會有乾嘅感覺,自然都會減少敏感情況啦!
 
wild rose 保濕嘅功效冇人會質疑,不過我最鍾意都係佢嘅天然玫瑰味,
平時唔係咁易係shower gel 中搵到!
 
想知多d,
 
Thanks!

Twinkle C 發表在 痞客邦 PIXNET 留言(0) 人氣()

美肌之誌 - 終極水嫩隱形面膜
 
出名隱形的面膜,到底有幾隱形?
 
係去炎炎海灘之前,一於整個終極水嫩補濕MASK! 為夏日作好準備!
 
 


獨立包入面,有一塊極透薄的面膜,由於面膜真係太薄,
 
要用一層膠紙隔住,防止面膜會糾纏一舊。
 
三下動作已經將面膜打開,面膜尺寸對於我黎講尺寸剛剛好,連眼位咀位都剛剛好。
 
 
 
真係好輕易就裝面膜到位,只係需要拉一拉邊位就已經可以。
 
呢個面膜出奇地貼服,係20分鐘等待其間,我可以低頭打BLOG,都完全冇事,
 
不單止冇飛出黎, 佢貼面到連咀角鼻翼位都冇鬆開!
 
呢一點連大牌子都未做到!
 
 
20分鐘過後,面膜都仍然係濕狀態,我將包裝袋中剩餘的精華水(玻尿酸)倒出黎搽係面膜上。

 
然後用1-2分鐘用手輕輕按摩,幫忙皮膚吸收精華水(玻尿酸),可以強化肌膚嘅保濕層。


有機稻米萃取及硬聚葡萄糖組成銷水配方,可以令水潤加以持久!
 
 
輕輕按摩之後,將面膜除下,用水輕力抺一下面部,已經即時見到肌膚回復彈性,
 
代表連底層都已經吸收到水份! 由於毛孔回復彈性,皮膚都變得細嫩!
 
 

 
 
終極水嫩隱形面膜的確有好強勁的補水功效,我會一星期三次咁敷,
目的為下星期 SAMUI的炎夏之旅做好準備,令到皮膚即使去到35-40度環境,
都可以容易適應,唔會出暗瘡同泛油!
 
一邊敷仲可以一邊做野,我一定帶多幾包去到SAMUI都一路敷!
 
我講你知丫,連我老公都讚呢隻MASK好,又平又好用咁話!
 
If you want to know more, pls visit:
 
 
Thanks!
 

Twinkle C 發表在 痞客邦 PIXNET 留言(0) 人氣()


Garnier Aqua Defense ~一CREAM 多用出TRIP必備
((水潤凝萃冰河泉保濕霜))
 
 
如果出TRIP 只可以帶一隻CREAM, 我一定會選擇帶一支超保濕嘅CREAM。
Garnier Aqua Defense 必定係我喼入面指定item~
 因為佢唔止係一支cream 咁簡單!
 

Garnier Aqua Defense Hydrating Gel Cream 蘊含多種天然微礦物質,
冰河泉精萃,天然白茶綠茶及維生素E,可以高抗氧化,
補水後同時鎖水。鎖水功能先係最重要。
 
 
保濕精華質地輕盈水狀,屬於清爽不油!

 
平時使用時,係早晚洗完面,用完toner後,
用手指輕輕點5下,係2個面脥,鼻,額頭同下巴位置。
 
 
用手指輕輕力就可以推開,然後輕力用手指按壓幾下,
Garnier Aqua Defense已經完全吸收。
 


按完後手指上仍然有少量cream,我一定會將佢搽係頸部位置!
 
女人,頸,係絕不能輕視!
 
由於容易吸收,搽完幾分鐘皮膚已經變得水潤光澤,亦無出現泛油情況~
 

如果想高效使用,我用建議用黎推機。
 
先取多少少嘅份量於面上,分佈5個位置。
然後用導入機推,由於Garnier Aqua Defense屬高水份cream, 所以推機亦好順滑。
 

只需要5分鐘時間,面上的Garnier Aqua Defense已經吸收得77 88。
呢個時候皮膚已經變得好飽滿,面色亦變得透白左,好明顯補水功效勁!
 
 
即使推完機,面上一般會仲會有少量cream,我會再等多10分鐘到,等佢吸收埋,
然後再用紙巾濕少少水輕抺,你會feel到成塊面冇哂拉緊,變得水潤平滑,
呢個亦係化妝前急救法之一! 包你全日唔會泛油!

 
Garnier Aqua Defense ,可以一CREAM 多用,平時當cream搽,
厚搽就可以做急救mask,有時間就用機導入,再按摩都得,
呢個仲唔係出TRIP必備!
 
想知多d, 請去:
 
Thanks  a lot!
 

Twinkle C 發表在 痞客邦 PIXNET 留言(0) 人氣()

以前, 旅行社扼人, 就早有所聞, 但係估唔到,
而家2013年, 都仲有AGENT 用D "不良"手法去做野!!


話說, 我早幾日, 見到"新浪旅遊"廣告, 話韓國機票PACKAGE有優惠, $2490連TAX,

我打去問, 有位"李小姐" 聽左個CALL,

佢回覆話:
(1) $2490 係印航, 住RAINBOW 連TAX, 27/3 出發, 4日VAILD, 30號返,
(2) $2490 係韓亞, 27/3出發, 只包TAX, 冇酒店, 7日VAILD,

當日早上9:00, 李小姐仲覆緊我, (1 &2) 都有位,

12:00 我再打去問, 佢都仲話有位,

到2:30 我決定買PACKAGE, 佢就叫我親身上去, 我即刻同放低手上工作,
飛的去佢公司, 荷李活商業中心14未樓1401, 唔洗15分鐘, 我就去到佢公司。

我決定左買嘅時候, 李小姐就打電話, "扮"拎位:

"喂, X小姐, 我地想要4個位, XXAIRLINE, XX日子, "

電話中對方唔知講咩,

李小姐:"下, 你明明話聽日先DEALINE架, 你幫下手啦, 我個朋友黎架, 你幫下啦, 試下啦~!"

電話中對方唔知講咩,

李小姐:" 哦, 冇喇, 得2個呀, 咁後補囉, 下, 咁呀, 都冇呀, 試下再睇下啦, 哦, 咁好啦, 唔該哂!"

講完個浮誇電話, 佢就同我講, 冇哂位, 得2個, 2個WAIT, 但冇機會有位, 叫我轉日子, 補D錢, 早一日就有位,

咁我話, 我要另外一款, 印航, 27/3飛啦,

佢CHECK左2秒, 話都FULL 哂! 又係叫我轉日子加錢!

成件事太奇怪, 我起身走, 話我其實識人買CX, 我都係自已買,
佢就話, 其實佢地公司都有好平嘅CX飛, 不如佢幫我搵,
我二話不說走左!

我即刻打電話去第二間AGENT, 先發現原來印航根本27/3都冇機飛, 點解呢位李小姐可以幫我CHECK到仲有5個位, 又可以CHECK到之後FULL 哂!!

人地話韓亞26-28/3一早FULL哂啦, 仲點會有位呀!

其實冇位去唔到, 我真係唔緊要, 我最後都改左去SAMUI行個圈,
但係呢間"新浪"咁樣處理就真係好過份囉!

我去呢間野個時, 見到旁邊有2個女仔, 都係買PACKAGE, 又係個男SALES不停講你改早一日囉, 一係買正價, 個2個女仔係咁打俾公司問可唔可以調假, 問到可以調, 個SALES 又話呢 日價錢唔同喎!


真係浪費我心機同時間, 一定要同人講,叫人小心D呢間野, 唔可以俾佢咁樣玩D客!




Twinkle C 發表在 痞客邦 PIXNET 留言(0) 人氣()

由香港貿易發展局(香港貿發局)主辦的「第30屆香港國際珠寶展」

係2013年3月5-9日一連五日已於香港會議展覽中心舉行。
 
 
 

於3月5日當晚, 亦舉行左「珠寶之夜」的交流晚會,
當晚亦公佈左「國際珠寶設計大獎2013」的結果。


俄羅斯設計師ILgiz F憑作品「Butterflies」成為「冠軍中之冠軍」。
 
 
除此之外, 場內精選展品中, 其中有:
 
「橋」戒指系列
 
 
Vladimir Markin Fine Jewellery Limited
(香港)
展區:尊尚展廳
展位編號:1CON-048
 
 
Salima Thakker珠寶創作系列
 
AME Gallery (香港)
展區:珠寶首飾
展位編號:3C-F37
 
今年隨住黃金的興起, 亦有以『金磚』為主題的產品,
係金磚上加上藝術元素,
非一般我地平時係街見到的 產品~
 
 
係展覽中, 有珠寶, 有鑽石, 有寶石, 有鋼有銀亦有金~
產品種類多到數之不盡。

每一種的質材, 都會有不同各家的供應商, 不論係中國定係中東,  
都有參展。

包括之前我係浮羅交怡, 星加波, 西班牙等地見過的產品,
都俾我係呢個展覽會中發現佢嘅蹤跡~

 

 

人頭湧湧的情況, 係展會中不時出現~
 
呢位係印度老闆, 好好人, 俾我影相仲好好笑容, 佢有卡裝石,
有CERT 又有, 冇CERT又有, 公主形又有, 啤梨形都有,
俾埋卡片我, 下年儲夠錢, 等我都買粒於裝石俾自己先~~~~!!!

 
 
 
金, 除左出嫁個之外, 其實都可以好FASHION架~
 
 
 
 
 
 
 
除左D重型產品外, 其他都有D輕量入門產品, 不時會係個別展位出售,
至於遇唔遇到就要睇你運氣喇~

 

 
 
其實呢個展覽係好集中, 將世界各地頂尖嘅珠寶產品一次過展出,  我地除左可以見到珍貴嘅寶石, 仲可以了解唔同各國出產的寶石同手工的分別。
 
行內人士亦會每年相約係呢個展覽會中見面同落單, 有D更加會即時交易,
難怪佢成為業界中三大的重要展覽!
 
 
想知多D, 可以去我FB
 
Thanks!
 
(以上資料及圖片, 部份由TDC提供)

Twinkle C 發表在 痞客邦 PIXNET 留言(0) 人氣()

上星期, 係朋友仔介紹下, 去左一個地方食~

<>

入到去, 感覺有少少壓力, 有幾十個廚師望住我地.... ....


我地坐低左, 有一個廚師好細心咁同我地講, 今日MENU 主菜二選一,

有雞同魚~~


我地望左個menu一陣, 就決定左一個set 要雞, 一個要魚~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

1. 喇, 上菜喇, 呢個係頭盤~
係咪好靚呢, 格仔入面係3種唔同味嘅醋~
個杯係我不太喜歡的蕃茄湯~

呢個味道okay~ 係個湯太濃~



2. 佢等我地食哂, 再慢慢出個salad~

係"火箭菜" , 我好鍾意食嘅沙律, 不過我朋友就唔太喜歡個個味, 佢話太霸~

但係我都覺得加多種菜會好食d~

3. 呢個就係主菜~

魚!

唔, 由於我唔食炸粉, 呢個菜我就唔太喜歡, 但我朋友就覺得幾好, 魚肉都仲juicy~



 
嗱, 呢個雞就o岩哂我喇!

味道剛剛好, 但仍需改進, 就係乾左dd, 有d硬~

但係我都會俾 "合格"~


4. 主角出場, 我地去食, 就係為左呢個 apple crumble!!!!

成餐, 我地最愛就係呢個 crumble~

佢外身脆, 但味道又唔會太甜, 仲有粒粒蘋果餡, 勁有口感~

我地成個食哂, 真係要俾個like 佢!



我地真係對住幾十個廚房黎食呢餐lunch 架~
你望下~

其實呢度係位於北角的西廚學院~ 為左可以令學員可以吸收多d真正客人嘅意見,
佢地中午會開放俾人客入去食 lunch~ 由於佢地都係主要為左cover 食材價格,
所以價格都會好平, 只係收$69一個 set!

係食嘅過程, 廚師都會問下客人嘅意見, 同時亦會為每位客人介紹每一道菜,
你表達嘅意見, 不論係好定唔好, 佢地都會一一接受同紀錄~

去呢度食, 唔可以當係去一般餐廳咁,
要認真咁食下, 當我地食緊嘅時間, 有一批學廚就好認真咁上堂,
見到佢地咁認真, 我地都唔可以馬虎咁食~

俾完意見, 希望佢地會改進, 下個月再去食過, 睇下有冇進步到先~


午餐包括 $ 69
(頭盤、餐湯、主菜、甜品,配冷熱餐茶)
午餐款式﹕主菜2選1
座位數目﹕約25個
地址﹕北角MTR EXIT A 馬寶道33號馬寶商場
214至216號舖
查詢﹕2156 0612(記得預約)

 
if you want to know more, pls visit
www.facebook.com/siujslifeblog

thanks!

Twinkle C 發表在 痞客邦 PIXNET 留言(0) 人氣()


早排見到雜誌同團購都有推廣呢款口服Placenta C Jelly 胎盤素啫喱~
 
我之前一直都想試, 多謝MY AGE 安排下, 我終於有機會試到呢款產品~





呢隻係今季限定嘅味道, 朱古力味, 日本雜誌MODEL 大推,
限定味都有得試, 真係好彩~
 
以前我飲過(骨膠元)飲品, 個個味唔係咁易接受, 結果成盒仲擺係屋企~
但呢隻口碑係話好味, 我就放心咁咬落去!



一個包裝盒, 一盒有7小包獨立包裝, 市面公價係$68, 平均$10一小包,
細細包都幾方便帶出街~



嘩, 打開第一下, 個樣有少少奇怪, 好軟身, 但就好香朱古力味~
 
我咬第一啖, 真係啫喱, 仲係朱古力味啫喱, 好好食喎~
 
唔洗兩啖就食左落肚~


~真係有食哂成盒~
 


 
之後個幾日, 我都好乖咁一日一包食哂成盒,
我有試過做完GYM食, 訓覺前食, 同一朝早空肚食,
最好味就係做完GYM 食.... ...
 
因為, 我真係當佢啫喱咁食~ YEAH!
 
 胎盤素啫喱, 其實係D好複雜嘅野, 簡單D黎講, 就係對皮膚好嘅補充食品,
主要功能係抗衰老同美白, 令皮膚回復本來嘅彈性~
 

 
只要食足一星期, 就有豐富滋潤膠原蛋白C 啫喱, 入面有15000mg魚膠原蛋白,
鯊魚軟骨素, 包括可以幫助保水的透明質酸和維他命c
 
 
除左傳統護膚品, PLACENTA C JELLY真係新一代女仔嘅皮膚補充品,
內外都做足, 要有美肌應該唔再係難事!
 
難怪日本D女仔個個都大力推介~
 
想知多D有關我嘅體驗, 去我個FB啦~
 
 
THANKS My AGE,
THANKS GALS!
 
 
 
 

 

Twinkle C 發表在 痞客邦 PIXNET 留言(0) 人氣()


itrial 「萬人體驗團」- 第1個去換SAMPLE!
 
我好準時, 所以唔洗排隊!


大會安排左十幾廿十個工作人員幫忙派發, 整個流程好簡單, 對埋身分證就有SAMPLE~



個姐姐係咁叫我睇下個袋, 話入面有D野, 原來我中獎了,
除左原本應該有嘅SAMPLE,
仲有特別多左一袋禮物~

不過中獎後, 原來要俾IMORE 訪問架... ... 有個好好人嘅CAM哥哥, 幫我拎住支水!
佢部CAM 好大部, 仲勁過個時我結婚個D機!

個訪問好簡單, 都係問下有關呢個平台嘅問題~ 有個靚女姐姐係旁邊一路問一D問題,
我答就得喇!





產品1) 5. Garnier 水潤凝萃冰河泉保濕霜
產品2)62. Lavera 有機野玫瑰潤膚乳
產品3)77. Beautymate 美肌之誌 終極水嫩隱形面膜


呢個就係我嘅中獎禮物:

AINHOA HAND CREAM
AINHOA LIP GLOSS
AINHOA CASH COUPON $500

(原來AINHOA 係西班牙牌子, 有保證喎~ :P 等我快D試下先!)

 
 
 
 
 
 
 
本來做訪問係好開心架, 不過之前個晚我冇咩點訓, 一定好大對黑眼圈,
希望到時剪完片,冇人會見到我對黑眼圈啦!
 
不過總括, 個件事都係20分鐘內完成左, 好順利, 又有咁多SAMPLE, 都好開心~
 
想知我D AFTER USE REPORT,
 
 
 

Twinkle C 發表在 痞客邦 PIXNET 留言(0) 人氣()

幻想自己一起身,梳洗完,行落街,就有陽光加咖啡,仲有人放鸚鵡添!







Twinkle C 發表在 痞客邦 PIXNET 留言(0) 人氣()

竟然收到我一直想買黎試嘅 Placenta C Jelly, 今日就試飲您, 等我個報告呀!

Twinkle C 發表在 痞客邦 PIXNET 留言(0) 人氣()

一個字,正!







Twinkle C 發表在 痞客邦 PIXNET 留言(0) 人氣()

找更多相關文章與討論